സുനിൽ മാത്യു കുന്നപ്പള്ളി കേരള കോൺഗ്രസ് (എം) സംസ്കാര വേദിയുടെ സംസ്ഥാന ജനറൽ സെക്രട്ടറി .
കാഞ്ഞിരപ്പള്ളി : കേരള കോൺഗ്രസ് എം ന്റെ സാംസ്കാരിക വിഭാഗമായ സംസ്കാര വേദിയുടെ സംസ്ഥാന ജനറൽ സെക്രട്ടറിയായി സുനിൽ മാത്യു കുന്നപ്പള്ളിയെ നോമിനേറ്റു ചെയ്തതായി സംസ്ഥാന ചെയർമാൻ ഡോ വർഗീസ് പേരയിൽ അറിയിച്ചു.
കാഞ്ഞിരപ്പള്ളി സ്വദേശിയായ സുനിൽ വർഷങ്ങളായി സിനിമ, സീരിയൽ , നാടക വേദികളിൽ തന്റേതായ വ്യക്തി മുദ്ര പതിപ്പിച്ചിട്ടുണ്ട്. ഇദ്ദേഹം കല, സാംസ്കാരിക, രാഷ്ട്രീയ മേഖലകളിലെ നിറസാന്നിദ്ധ്യമാണ്. ചിറക്കടവ് കുന്നപ്പള്ളി ൽ പരേതരായ കെ.ജെ.മത്തായിയുടേയും ത്രേസ്യാമ്മ മാത്യുവിന്റേയും മകനാണ്. ഭാര്യ മിനി സുനിൽ രണ്ടു മക്കളാണ് ഈ ദമ്പതികൾക്ക് മകൻ ശ്രേയസ് എസ്. കുന്നപ്പള്ളി, മകൾ തേജസ് എസ് കുന്നപ്പള്ളി .
പ്രമുഖ സിനിമ നടനായ മധു ഏറ്റവും അവസാനം അഭിനയിച്ച മൈ സ്കൂൾ എന്ന സിനിമയിൽ സുനിൽ കുന്നപ്പള്ളി ശ്രദ്ധേയമായ കഥാപാത്രത്തെ അവതരിപ്പിച്ചിരുന്നു. കഴിഞ്ഞ ലോക്സഭ തെരഞ്ഞെടുപ്പ് സമയത്ത് സുനിൽ നിരവധി പരസ്യ ചിത്രങ്ങളിൽ വേഷമിട്ടിരുന്നു.