പൊടിമറ്റം ബൈബിൾ കൺവൻഷൻ നവംബർ 21 മുതൽ 24 വരെ..
കാഞ്ഞിരപ്പള്ളി ∙ അട്ടപ്പാടി സെഹിയോൻ ധ്യാനകേന്ദ്രം ടീം നയിക്കുന്ന 34-ാമത് പൊടിമറ്റം ബൈബിൾ കൺവൻഷൻ പൊടിമറ്റം സെന്റ് ജോസഫ്സ് മൗണ്ട് ധ്യാന കേന്ദ്രത്തിൽ 21 മുതൽ 24 വരെ ദിവസവും വൈകിട്ട് 4 മുതൽ രാത്രി 9 വരെ നടത്തും. അട്ടപ്പാടി സെഹിയോൻ ധ്യാനകേന്ദ്രത്തിലെ ഫാ. സാംസൺ ക്രിസ്റ്റി മണ്ണൂർ നേതൃത്വം നൽകും.
ദിവസവും 4ന് ജപമാല , 4.30ന് ദിവ്യബലി, തുടർന്ന് വചനപ്രഘോഷണം എന്നിവ നടക്കും. 21ന് 4.30ന് ദിവ്യബലി തുടർന്ന് കാഞ്ഞിരപ്പള്ളി രൂപതാ വികാരി ജനറൽ ഫാ. ഡോ. ജോസഫ് വെള്ളമറ്റം ഉദ്ഘാടന സന്ദേശം നൽകും. 24ന് 4.30ന് ദിവ്യബലി, തുടർന്ന് വിജയപുരം രൂപതാ സഹായ മെത്രാൻ ഡോ. ജസ്റ്റിൻ മഠത്തിൽപറമ്പിൽ സമാപന സന്ദേശം നൽകും.
കൺവൻഷൻ ദിവസങ്ങളിൽ കുമ്പസാരം, കൗൺസലിങ് എന്നിവയ്ക്ക് സൗകര്യമുണ്ടായിരിക്കും. രോഗികൾക്കായി പ്രത്യേക ഇരിപ്പിടവും ക്രമീകരിച്ചിട്ടുണ്ടെന്നും ധ്യാനകേന്ദ്രം ഡയറക്ടർ ഫാ. സജി പൂവത്തുകാട്, കൺവൻഷൻ കൺവീനർമാരായ ജെയിംസ് പറപ്പള്ളി, ജോസ് തൂങ്കുഴി, പബ്ലിസിറ്റി കൺവീനർ മർക്കോസ്, പത്താശ്ശേരി, ആൽബി ജോസ് എന്നിവർ അറിയിച്ചു.