കണമലയിൽ തീർത്ഥാടക ബസ് മറിഞ്ഞ് അപകടം ; ആറ് അയ്യപ്പഭക്തർക്ക് പരിക്കേറ്റു

കണമല : എരുമേലി കണമല അട്ടിവളവിൽ ശബരിമലയിലേക്ക് പോകുകയായിരുന്ന തീർത്ഥാടകർ സഞ്ചരിച്ച മിനി ബസ്സ് നിയന്ത്രണം വിട്ട് തിട്ടയിലിടിച്ച് റോഡിലേക്ക് വട്ടം മറിഞ്ഞ് ആറ് അയ്യപ്പഭക്തർക്ക് പരിക്കേറ്റു. ഞാറാഴ്ച്ച വൈകിട്ട് 7.50-ഓടെ ആണ് അപകടം നടന്നത്. നാലു പേരെ എരുമേലി സി.എച്ച് സി ഹെൽത്ത് സെൻററിൽ പ്രവേശിപ്പിച്ചു. അസ്ഥികൾക്ക് ഒടിവ് സംഭവിച്ച രണ്ടു പേരെ കോട്ടയം മെഡിക്കൽ കോളേജ് ആശുപത്രിയിൽ പ്രവേശിപ്പിച്ചു .

തമിഴ്നാട് നാമക്കലിൽ നിന്നുള്ള അയ്യപ്പഭക്തരുടെ ബസ്സാണ് അപകടത്തിൽ പെട്ടത് . ബസ്സിൽ അഞ്ചു കുട്ടികളടക്കം 22 അയ്യപ്പഭക്തന്മാരാണ് ഉണ്ടായിരുന്നത്. .ആരുടെയും പരിക്ക് ഗുരുതരമല്ല.