നിർത്തിയിട്ട സ്വകാര്യ ബസിന് പിന്നിൽ ഓട്ടോറിക്ഷയിടിച്ച് അപകടം

കൊടുങ്ങൂർ : സ്വകാര്യ ബസിന്റെ പിന്നിൽ ഓട്ടോ ഇടിച്ച് ഓട്ടോ ഡ്രൈവർക്ക് പരുക്ക്. ചാമംപതാൽ രണ്ടാം മൈൽ കളത്തിൽ പുത്തൻപുര രാജേഷ് (50) നാണ് പരുക്കേറ്റത്. ഇയാളെ കാഞ്ഞിരപ്പള്ളി ജനറൽ ആശുപത്രിയിൽ പ്രവേശിപ്പിച്ചു.

ചൊവ്വാഴ്ച രാവിലെ പതിനൊന്ന് മണിയോടെ കൊടുങ്ങൂർ – മണിമല റോഡിൽ തേക്കനം മൃഗാശുപത്രിക്ക് സമീപത്തെ ബസ് സ്റ്റോപ്പിലായിരുന്നു അപകടം. ബസ് നിർത്തി ആളെ ഇറക്കുന്നതിനിടെ പിന്നലെ വന്ന ഓട്ടോ നിയന്ത്രണം വിട്ട് ബസിന്റെ പിന്നിൽ ഇടിക്കുകയായിരുന്നു. ഇടിയുടെ ആഘാതത്തിൽ ഓട്ടോറിക്ഷയുടെ മുൻഭാഗം പൂർണ്ണമായും തകർന്നു.