വീടുകയറി ആക്രമണം: മൂന്നുപേർക്ക്‌ പരിക്ക്

മുണ്ടക്കയം: വീടുകയറി ആക്രമണത്തിൽ വയോധികയടക്കം മൂന്നുപേർക്ക് പരിക്ക്. ഇഞ്ചിയാനി വടക്കുംമുറി ജീസ്(50), മാതാവ് ഏലിക്കുട്ടി(81), സഹോദരന്റെ മകൻ ജെയ്‌സൻ(19) എന്നിവർക്കാണ് നാലംഗസംഘത്തിന്റെ ആക്രമണത്തിൽ പരിക്കേറ്റത്. ബുധനാഴ്ച രാത്രി 10.15 നാണ് സംഭവം. മുഖംമൂടി ധരിച്ചെത്തിയ സംഘം മരക്കഷണമുപയോഗിച്ച് ആക്രമിക്കുകയായിരുന്നു. ഇടുക്കി വണ്ടിപ്പെരിയാർ രജിസ്ട്രേഷൻ വാഹനത്തിലാണ് അക്രമിസംഘം എത്തിയത്. തലയ്ക്കും കൈകാലുകൾക്കും പരിക്കേറ്റ ഇവർ കാഞ്ഞിരപ്പള്ളി ജനറൽ ആശുപത്രിയിൽ ചികിത്സയിലാണ്. ആക്രമണത്തിന്റെ കാരണം വ്യക്തമല്ലെന്നും പ്രതികൾക്കായി അന്വേഷണം ആരംഭിച്ചതായും മുണ്ടക്കയം പോലീസ് അറിയിച്ചു.