കോവിഡ് പരിശോധനാഫലം വൈകുന്നു
കാഞ്ഞിരപ്പള്ളി: ആർ.ടി.പി.സി.ആർ. പരിശോധനയുടെ ഫലം ലഭിക്കാൻ വൈകുന്നതായി പരാതി. ഇതുമൂലം വിവിധ രോഗമുള്ളവർക്ക് ചികിത്സയ്ക്ക്‌ തടസ്സമാകുന്നതായാണ് പരാതി. കഴിഞ്ഞ വ്യാഴാഴ്ച കാഞ്ഞിരപ്പള്ളി നൂർഹുദ സ്കൂളിൽ നടത്തിയ 66 പേരുടെ പരിശോധനാഫലം ഇതുവരെ ലഭിച്ചിട്ടില്ല. വിവിധ വാർഡുകളിൽനിന്നുള്ളവരുടെയും അഗ്നിരക്ഷാസേന ഓഫീസിലെ കോവിഡ് ക്ലസ്റ്ററിൽ ഉൾപ്പെട്ടവരുടെയുമാണ് പരിശോധന നടത്തിയത്