വജ്ര ജൂബിലി വർഷത്തിൽ വിജയ തിളക്കവുമായി കാഞ്ഞിരപ്പള്ളി എ.കെ.ജെ.എം സ്കൂൾ; 104 വിദ്യാർത്ഥികൾക്ക് ഫുൾ A+
കാഞ്ഞിരപള്ളി: ഇത്തവണയും പതിവുതെറ്റിക്കാതെ, കാഞ്ഞിരപ്പള്ളി എ.കെ.ജെ.എം സ്കൂൾ SSLC പരീക്ഷയിൽ മിന്നും വിജയം നേടി. സ്‌കൂളിന്റെ വജ്ര ജൂബിലി വർഷത്തിൽ 104 വിദ്യാർത്ഥികൾ ഫുൾ A+ നേടി സ്കൂളിന് വജ്രത്തിളക്കം നൽകി.
എ. കെ. ജെ. എം. സ്കൂളിൽ SSLC പരീക്ഷക്ക്‌ 141 കുട്ടികൾ പരീക്ഷ എഴുതിയതിൽ 100% വിജയം കരസ്ഥമാക്കിയതിനൊപ്പം 104 പേർക്കും മുഴുവൻ A+ ലഭിച്ചപ്പോൾ, , 16 പേർക്ക് ഒൻപത് A+ ലഭിച്ചു. വിദ്യാർത്ഥികളുടെ ആത്മാർത്ഥതയും അദ്ധ്യാപകരുടെ അർപ്പണ മനോഭാവവും മുൻ പ്രിൻസിപ്പാൾ ഫാ. സാൽവിൻ അഗസ്റ്റ്യൻ S.J. യുടെ ദീർഘവീക്ഷണവും രക്ഷിതാക്കളുടെ പൂർണ്ണ പിന്തുണയുമാണ് ഈ വിജയത്തിന് അടിസ്ഥാനമെന്ന് പ്രിൻസിപ്പാൾ ഫാ. അഗസ്റ്റിൻ പീടികമല SJ അനുസ്മരിച്ചു.
വിജയികളെ സ്കൂൾ മാനേജ്മെന്റും സ്റ്റാഫും പി. ടി. എ. യും അഭിനന്ദിച്ചു.