“കേരളാ പ്രഫഷണൽസ് ഫ്രണ്ട്’ കേരളാ കോൺഗ്രസ്സിന്റെ നേതൃത്വത്തിൽ പ്രഫഷണലുകളുടെ കൂട്ടായ്മ രൂപീകരിക്കുന്നു
പ്രഫഷണല് രംഗത്ത് പ്രവര്ത്തിക്കുന്നവരുടെ സേവനങ്ങൾ സമൂഹത്തിന്റെ ഉയർച്ചയ്ക്ക് ഉപകരിക്കണം എന്ന ഉദ്ദേശത്തോടെ “കേരളാ പ്രഫഷണല്സ് ഫ്രണ്ട്’ എന്ന പേരിൽ ഒരു സംഘടനയ്ക്ക് രൂപം നല്കുവാന് കേരള കോണ്ഗ്രസ്-എം തീരുമാനിച്ചു. കേരളത്തിന്റെ സമഗ്ര വികസനത്തെ ലക്ഷ്യംവയ്ക്കുകയും അതിനായി സ്വയം സമര്പ്പിക്കുകയും ചെയ്യുന്ന മെഡിക്കല്, എന്ജിനിയറിംഗ്, ആര്ക്കിടെക്ചര്, മീഡിയ, ഐടി, എഡ്യൂക്കേഷന് തുടങ്ങിയ മേഖലകളില് പ്രവര്ത്തിക്കുന്നവരുടെ കൂട്ടായ്മയാണ് ലക്ഷ്യംവയ്ക്കുന്നത്.
2008 മുതല് ഈ ആശയം മുന്നോട്ടുവന്നിരുന്നുവെങ്കിലും പാര്ട്ടി ചെയര്മാന് ജോസ് കെ. മാണിയുടെ പ്രത്യേക താല്പ്പര്യപ്രകാരമാണ് ഇപ്പോള് ഈ ആശയം പ്രാബല്യത്തില് വരുന്നത്. ഉടന് തന്നെ സംസ്ഥാനതലത്തില് ഇതിനായുള്ള യോഗം വിളിച്ചുചേര്ക്കുന്നതാണ് എന്ന് പാർട്ടിവൃത്തങ്ങൾ അറിയിച്ചു. പൂഞ്ഞാർ എംഎൽഎ അഡ്വ. സെബാസ്റ്റ്യൻ കുളത്തുങ്കല് എംഎല്എയ്ക്കാണ് സംഘടനയുടെ ചുമതല നല്കിയിരിക്കുന്നത്.