പിപി റോഡിൽ അപകടം : ബൈക്ക് യാത്രക്കാരനായ യുവാവ് മരിച്ചു
പൊൻകുന്നം : പിപി റോഡിൽ ഉണ്ടായ അപകടത്തിൽ ബൈക്ക് യാത്രക്കാരനായ യുവാവ് മരിച്ചു പൊൻകുന്നം പാലാ റോഡിൽ ഒന്നാം മൈലിൽ വച്ച് ഇന്ന് രാവിലെ പത്തുമണിയോടെ ബൈക്കും എതിരെ വന്ന സ്വകാര്യ ബസ്സും തമ്മിൽ കൂട്ടിയിച്ചുണ്ടായ അപകടത്തിൽ ബൈക്കിൽ സഞ്ചരിച്ചിരുന്ന ]ഒന്നാം മൈൽ കള്ളികാട്ട് കെ.ജെ സെബാസ്റ്റ്യന്റെ മകൻ ജോസ് സെബാസ്റ്റ്യൻ (ഔസേപ്പച്ചൻ-20) ആണ് മരിച്ചത്.
അപകടത്തിൽ ഗുരുതരമായി പരിക്കേറ്റ ജോസിനെ ഉടൻ തന്നെ കാഞ്ഞിരപ്പള്ളി ജനറലാശുപത്രിയിൽ എത്തിച്ചെങ്കിലും മരണം സംഭവിച്ചു. ആനക്കല്ല് സെന്റ് ആന്റണിസ് പബ്ലിക് സ്കൂളിൽ കോമേഴ്‌സ് ബാച്ചിൽ 2018 ൽ പഠനം പൂർത്തിയാക്കിയ ജോസ് സെബാസ്റ്റ്യൻ ഡിഗ്രി പഠനവും പൂർത്തിയാക്കിയ ശേഷം തുടർപഠനത്തിനായി തയ്യാറെടുക്കുകയായിരുന്നു.
