സൗജന്യ പ്രമേഹരോഗ മെഡിക്കൽ ക്യാമ്പ്
മണിമല: സെന്റ് തോമസ് ഹെൽത്ത് സെന്‍ററിൽ ലോക പ്രമേഹ ദിനത്തോടനുബന്ധിച്ച് നാളെ സൗജന്യ പ്രമേഹരോഗ നിർണയ ക്യാമ്പ് രാവിലെ ഒന്പത് മുതൽ ഉച്ചയ്ക്ക് ഒന്നു വരെ നടത്തും. ക്യാമ്പിൽ പങ്കെടുക്കുന്നവർക്കെല്ലാം ഡയറ്റീഷന്‍റെ സൗജന്യ സേവനവും ലഭ്യമാണ്.
മെഡിക്കൽ ക്യാമ്പിന്‍റെ ഉദ്ഘാടനം രാവിലെ 9.30 ന് മണിമല പഞ്ചായത്ത് വൈസ് പ്രസിഡന്റ് അതുല്യാദാസ് നിർവഹിക്കും. സൗജന്യ മെഡിക്കൽ ക്യാമ്പിന് ഡോ. ആന്‍റണി എ. തോമസ്, ഡോ. ജൂലി സെബാസ്റ്റ്യൻ എന്നിവർ നേതൃത്വം നൽകും. കൺസൾട്ടേഷനും ആർബിഎസും ബയോതെസിയോമെട്രിയും സൗജന്യമായിരിക്കും. മുൻകൂട്ടി ബുക്ക് ചെയ്യുന്ന 50 പേർക്കാണ് പങ്കെടുക്കാൻ അവസരം. ഫോൺ: 8606910659.