“ഞങ്ങളും കൃഷിയിലേക്ക്” വിളംബര ജാഥ നടത്തി.
പൊൻകുന്നം : സംസ്ഥാന സർക്കാരിന്റെ നൂറുദിന കർമ്മ പരിപാടിയുടെ ഭാഗമായി കൃഷി വകുപ്പ് നടപ്പിലാക്കുന്ന “ഞങ്ങളും കൃഷിയിലേക്ക് ” പദ്ധതിയുടെ വാഴൂർ ബ്ലോക്ക്‌തല വിളമ്പര ജാഥ പൊൻകുന്നത്ത് നടന്നു . കെ.എസ്.ആർ.ടി.സി ഡിപ്പോ പരിസരത്തു നിന്നും തുടക്ക കുറിച്ച ജാഥ, ഗവ. ചീഫ് വിപ്പ് ഡോ. എൻ. ജയരാജ് ഫ്ലാഗ് ഓഫ് ചെയ്തു .
വിളംബരജാഥയിൽ വാഴൂർ ബ്ലോക്കിലെ ചിറക്കടവ്, വാഴൂർ , കറുകച്ചാൽ, നെടുംകുന്നം, വെള്ളാവൂർ, കങ്ങഴ പഞ്ചായത്തുകളിലെ കർഷകർ പങ്കെടുത്തു . രാജേന്ദ്ര മൈതാനത്ത് നടന്ന സമ്മേളനം ഗവ.ചീഫ് വിപ്പ് ഡോ. എൻ. ജയരാജ് ഉദ്ഘാടനം ചെയ്തു . ചടങ്ങിൽ വാഴൂർ ബ്ലോക്ക് പഞ്ചായത്ത് പ്രസിഡന്റ് മുകേഷ്. കെ. മണി അധ്യക്ഷനായിരുന്നു. വാഴൂർ കൃഷി അസിസ്റ്റന്റ് ഡയറക്ടർ ബിന്ദു. ടി പദ്ധതി വിശദീകരണം നടത്തി .
ചിറക്കടവ് ഗ്രാമ പഞ്ചായത്ത് പ്രസിഡന്റ് അഡ്വ. സി. ആർ. ശ്രീകുമാർ, ചടങ്ങിൽ ബ്ലോക്ക് ഗ്രാമ പഞ്ചായത്ത് അംഗങ്ങൾ, ചിറക്കടവ് കൃഷി ഓഫീസർ യമുന ജോസ് തുടങ്ങിയവർ സംസാരിച്ചു . വെള്ളാവൂർ കൃഷി ഓഫീസറുടെ നേതൃത്വത്തിൽ ആകർഷണീയമായ ഫ്ലാഷ് മോബ് നടത്തി ചടങ്ങിൽ പങ്കെടുത്ത എല്ലാവർക്കും പച്ചക്കറി വിത്തുകൾ വിതരണം ചെയ്തു.