കനത്ത കാറ്റിലും മഴയിലും വ്യാപകനാശം; വീടുകൾ തകർന്നു, കൃഷി നശിച്ചു ..

പൊൻകുന്നം : കനത്ത മഴയിലും കാറ്റിലും പനമറ്റം, ഒന്നാം മൈൽ , മാന്തറ മേഖലകളിൽ വ്യാപക നാശനഷ്ടം. പലയിടങ്ങളിലും വൻ മരങ്ങൾ കടപുഴകി വീടുകൾക്കും, വൈദ്യുതി ലൈനുകൾക്കും, റോഡിലേയ്ക്കും ഉൾപ്പെടെ വീണു.

പനമറ്റം ചിറ്റേട്ട് അനിൽ കുമാറിന്റെ വീടിന് മുകളിൽ പുരയിടത്തിൽ നിന്ന ആഞ്ഞിലി മറിഞ്ഞ് വീണു.വീടിന് പിൻവശത്തെ 2 മുറികളുടെ മേൽക്കൂര ഉൾപ്പെടെ പൂർണ്ണമായി തകർന്നു. ഇവരുടെ പുരയിടത്തിലെ 4 ആഞ്ഞിലി ,ജാതി ഉൾപ്പെടെ കൃഷികളും നശിച്ചു.കുട്ടികൾ മാത്രമാണ് വീട്ടിൽ ഉണ്ടായിരുന്നത്. അപകട സമയത്ത് ഇവർ മറ്റൊരു മുറിയിലേയ്ക്ക് മാറിയതിനാൽ വൻ ദുരന്തം ഒഴിവായി. ഇവരുടെ വീട്ടുപകരണങ്ങൾക്കും കേടുപാടുകൾ സംഭവിച്ചു.