ഇടച്ചോറ്റി സരസ്വതിക്ഷേത്രത്തിലെ പ്രതിഷ്ഠാ ദിനാഘോഷം

 

ഇടച്ചോറ്റി സരസ്വതിദേവിക്ഷേത്രത്തിലെ പ്രതിഷ്ഠാദിനത്തോടനുബന്ധിച്ച് ക്ഷേത്രം മുഖ്യകാര്യദർശി സരസ്വതി തീർഥപാദസ്വാമികളുടെ കാർമികത്വത്തിൽ ദശലക്ഷാർച്ചന നടത്തുന്നു 

കാഞ്ഞിരപ്പള്ളി: ഇടച്ചോറ്റി സരസ്വതിദേവിക്ഷേത്രത്തിലെ പ്രതിഷ്ഠാ ദിനാഘോഷം ശനിയാഴ്ച നടത്തും. രാവിലെ അഞ്ചിന് അഷ്ടദ്രവ്യഗണപതിഹോമം, 7.30-ന് ദശലക്ഷാർച്ചന സമാപനം, എട്ടിന് ബ്രഹ്മകലശപൂജ തുടർന്ന് കലശാഭിഷേകം. 11-ന് ക്ഷേത്രസ്ഥാപകനും മുഖ്യകാര്യദർശിയുമായ സരസ്വതി തീർഥപാദസ്വാമിയുടെ 50-ാം പിറന്നാൾ മധുരം. 

ആഘോഷത്തിന്റെ ഭാഗമായി നിർധനരായ 50-കുടുംബംഗങ്ങൾക്ക് സൗജന്യമായി പുതുവസ്ത്രങ്ങളും 50-നിർധന രോഗികൾക്ക് ഒരുമാസത്തേക്ക് മരുന്നും സൗജന്യമായി വിതരണം ചെയ്യും.

ഇടച്ചോറ്റി സെഹിയോൻമല റോഡ് കോൺക്രീറ്റ് ചെയ്ത് സഞ്ചാരയോഗ്യമാക്കുന്നതിന് 15ലക്ഷം രൂപ അനുവദിച്ച അഡ്വ. സെബാസ്റ്റ്യൻ കുളത്തുങ്കൽ എം.എൽ.എ.യെ ക്ഷേത്രഭാരവാഹികൾ ആദരിക്കും. 1.30-ന് പിറന്നാൾസദ്യ, വൈകീട്ട് 5.30-ന് 1008 ദീപങ്ങൾ തെളിച്ച് വിശേഷാൽ ദീപാരാധന, ഏഴിന് ഭജൻസ്.