Posted on January 17, 2017 

കേരളത്തിൽ ഒരു തിരുത്തൽ ശക്തിയായി വളരുവാനുള്ള കരുത്തു തങ്ങൾക്കുണ്ട് എന്ന് വിളബരം ചെയ്തുകൊണ്ട് വമ്പിച്ച ജന പങ്കാളിത്തത്തോടെ പി സി ജോർജ് കറൻസി ആന്തോളൻ എന്ന പേരിൽ നടത്തിയ ജനപക്ഷം പാർട്ടിയുടെ ട്രെയിൻ തടയൽ സമരം വൻ വിജയമായി .. 

കേരളത്തിന്റെ വിവിധ പ്രദേശങ്ങളിൽ നിന്നും എത്തിയ ആയിരക്കണക്കിന് പാർട്ടി പ്രവർത്തകർ എറണാകുളം നോർത്ത് റെയിൽവേ സ്റ്റേഷനിൽ വച്ചാണ് ട്രെയിൻ തടയൽ സമരം നടത്തിയത്. ന്യൂഡൽഹിയിൽ നിന്നും എത്തിയ കേരളാ എക്സ്പ്രസ്സ് ട്രെയിനിനും ഹൈദ്രബാദ് ഹൈദരാബാദിലേക്ക് പോവുകയായിരുന്ന ശബരി ട്രെയിനും ആണ് തടഞ്ഞത്. ഏകദേശം അര മണിക്കൂറോളം ട്രെയിൻ തടഞ്ഞു പ്രതിഷേധിച്ചു. 

പി.സി ജോർജിന്റെ ചിത്രം ആലേഖനം ചെയ്ത മഞ്ഞ നിറത്തിലുള്ള ടീ ഷർട്ട് ധരിച്ച യുവജനങ്ങൾ ആവേശ പൂർവ്വം മുദ്രാവാക്യം മുഴക്കി സമരത്തിന് താളവും ആവേശവും പകർന്നു. 

കറൻസി നിരോധനം മൂലം പ്രതിസന്ധിയിലായ പൊതുജനങ്ങൾക്ക് മതിയായ നഷ്ടപരിഹാരം നൽകണമെന്ന് പി സി ആവശ്യപ്പെട്ടു. ജനങ്ങളുടെ കണ്ണിൽ പൊടിയിട്ട് കൊണ്ട് കോൺഗ്രസ്സും ഇടതു പക്ഷവും നടത്തുന്ന സമരങ്ങൾ പൊള്ളയാണെന്ന് ജനം തിരിച്ചറിയണമെന്ന് പി സി ആഹ്വാനം ചെയ്തു. 

ജനപക്ഷം എന്ന പാർട്ടി ഔദ്യോഗികമായി രൂപീകരിക്കുന്നതിന് മുൻപ് യുവജനതയെ മുൻപിൽ നിർത്തി നടത്തിയ പി സി യുടെ ഈ ശക്തി പ്രകടനം രാഷ്ട്രീയ കേരളം വളരെ ശ്രദ്ധയോടെയാണ് വീക്ഷിക്കുന്നത്. 

വീഡിയോ കാണുക :-