പുകയില ഉത്പന്നങ്ങളുമായി രണ്ടുപേർ പിടിയിൽ
പെരുവന്താനം: വാഹനപരിശോധനയ്ക്കിടെ നിരോധിത പുകയില ഉത്പന്നങ്ങളുമായി രണ്ടുപേർ പോലീസ് പിടിയിലായി. ഈരാറ്റുപേട്ട പീടികയ്ക്കൽ അനീസ്(42), കണയങ്കവയൽ വാതല്ലൂർ വീട്ടിൽ എബ്രഹാം ജോസഫ് ,(ഡെപ്പി അപ്പച്ചൻ-55) എന്നിവരെയാണ് പെരുവന്താനം പോലീസ് അറസ്റ്റ് ചെയ്തത്.
ദേശീയപാതയിലെ പെരുവന്താനത്തിന് സമീപം വാഹനപരിശോധനയ്‌ക്കിടെയാണ് 150 പായ്ക്കറ്റ് ഹാൻസും മറ്റ് പുകയില ഉത്പന്നങ്ങളുമായി ഇവർപിടിയിലായത്.
ഈരാറ്റുപേട്ടയിൽനിന്നെത്തിച്ച പുകയില ഉത്പന്നങ്ങൾ വാഹനത്തിലേക്ക് മാറ്റുന്നതിനിടെയാണ് പോലീസ് എത്തിയത്. പെരുവന്താനം സി.ഐ. വി.കെ. ജയപ്രകാശ് , എസ്.ഐ. വി.കെ. രാജേഷ്, എ.എസ്.ഐ. നൗഷാദ്, സി.പി.ഒ.മാരായ സുനീഷ്, ജോജി എന്നിവരടങ്ങിയ സംഘമാണ് ഇവരെ പിടികൂടിയത്.