ഇടിമിന്നലേറ്റ് മുണ്ടക്കയത്ത് ബന്ധുക്കളായ രണ്ടുപേർ മരിച്ചു

മുണ്ടക്കയം : വേനൽ മഴയ് മഴയ്ക്ക് മുന്നോടിയായി എത്തിയ ശക്തമായ ഇടിമിന്നലേറ്റ് മുണ്ടക്കയത്ത് ബന്ധുക്കളായ രണ്ടുപേർ മരിച്ചു
മുണ്ടക്കയം അമരാവതി കപ്പിലാമൂട് തടത്തിൽ സുനിൽ (45), സുനിലിന്റെ സഹോദരീ ഭർത്താവ് നിലയ്ക്കൽ നാട്ടുപറമ്പിൽ ഷിബു(43) എന്നിവരാണ് മരിച്ചത്.

ബുധനാഴ്ച വൈകിട്ട് അഞ്ചു മണിയോടു കൂടിയായിരുന്നു സംഭവം. കുടുംബ വീടിന്റെ സമീപം സ്ഥലം വീതം വയ്ക്കുന്ന നടപടികളുമായി അളന്നു തിട്ടപ്പെടുത്തുകയായിരുന്നു. ഇതിനിടെ ഇരുവർക്കും ഇടിമിന്നലേൽക്കുകയായിരുന്നു. രണ്ടു പേരും സംഭവസ്ഥലത്തു തന്നെ മരിച്ചു.