മുണ്ടക്കയം ബൈപാസ് റോഡിൽ നിന്നു മറുകരയിലേക്ക് നടപ്പാലം നിർമ്മിക്കുവാൻ പദ്ധതി
മുണ്ടക്കയം ∙ ബൈപാസ് റോഡിൽ നിന്നു മറുകരയിലേക്ക് നടപ്പാലം നിർമിക്കുന്ന പദ്ധതിയുടെ പ്രാരംഭ നടപടികൾക്ക് തുടക്കമായി. എസ്റ്റിമേറ്റ് തയാറാക്കുന്നതിനു മുന്നോടിയായി സെബാസ്റ്റ്യൻ കുളത്തുങ്കൽ എംഎൽഎയുടെ നേതൃത്വത്തിൽ ഉദ്യോഗസ്ഥസംഘം സ്ഥലം സന്ദർശിച്ചു.
പഴയ മുണ്ടക്കയം, വേങ്ങക്കുന്ന്, പുത്തൻചന്ത നിവാസികൾക്ക് വേഗത്തിൽ ടൗണിൽ എത്താൻ കഴിയുന്ന രീതിയിലാണ് പാലം നിർമിക്കാൻ ഉദ്ദേശിക്കുന്നത്. പുത്തൻചന്ത പഞ്ചായത്ത് സ്റ്റേഡിയത്തിലേക്ക് ആളുകൾക്ക് എത്താനും പാലം ഉപകാരപ്പെടും.
വെള്ളപ്പൊക്കം ഉണ്ടായാൽ അതിജീവിക്കുന്ന തരത്തിലുള്ള നിർമാണമാണ് ലക്ഷ്യമിടുന്നതെന്ന് എംഎൽഎ പറഞ്ഞു. പഞ്ചായത്ത് പ്രസിഡന്റ് രേഖ ദാസ്, വൈസ് പ്രസിഡന്റ് ഷീല ഡൊമിനിക്, സി.വി.അനിൽ കുമാർ, ദിലീഷ് ദിവാകരൻ, ഷിജി ഷാജി, പ്രസന്ന ഷിബു തുടങ്ങിയവർ ഉദ്യോഗസ്ഥ സംഘത്തോടൊപ്പം ഉണ്ടായിരുന്നു.