കാഞ്ഞിരപ്പള്ളി നഗരസഭയാക്കണം : സിപിഎം പാറക്കടവ് ബ്രാഞ്ച് സമ്മേളനം പ്രമേയത്തിലൂടെ ആവശ്യപ്പെട്ടു.
കാഞ്ഞിരപ്പള്ളി: കാഞ്ഞിരപ്പള്ളി നഗരസഭ ആക്കുകയും നഗരത്തോട് ചേർന്നുള്ള പാറക്കടവ് വട്ടക്കുഴിയിൽ ശക്തി കൂടിയ ട്രാൻസ്ഫോർമർ സ്ഥാപിച്ച് അടിക്കടിയുണ്ടാകുന്ന വോൾട്ടേജ് ക്ഷാമവും വൈദ്യുതി തകരാറും പരിഹരിക്കണമെന്നു് സി പി എം പാറക്കടവ് ബ്രാഞ്ച് സമ്മേളനം പ്രമേയത്തിലൂടെ ആവശ്യപ്പെട്ടു.
ഇൻഡേൻ, ഭാരത് എന്നീ കമ്പനികളുടെ പാചക വാതക സിലിണ്ടറുകൾ ഉൾപ്രദേശങ്ങളിൽ ഡലിവറി വാഹനങ്ങളിൽ എത്തിക്കുവാൻ ഏജൻസികൾ തയ്യാറാകണമെന്നും സമ്മേളനം ആവശ്യപ്പെട്ടു. ഇക്ബാൽ ഇല്ലത്തുപറമ്പിലിന്റെ അധ്യക്ഷതയിൽ ചേർന്ന സമ്മേളനം ഏരിയാ കമ്മിറ്റിയംഗം അജാസ് റഷീദ് ഉദ്‌ഘാടനം ചെയ്തു. ടി കെ ജയൻ, വിപിൻ, പി എസ് ശ്രീകുമാർ ,വി എസ് സലേഷ്, ജയ്സൽ, ഫാസിൽ, നസീർ ഖാൻ, മസൂദ് എന്നിവർ സംസാരിച്ചു. പി എസ് ശ്രീകുമാർ സഹദേവനെ ബ്രാഞ്ച് സെക്രട്ടറിയായി വീണ്ടും തെരഞ്ഞെടുത്തു