വികസന പദ്ധതികളുടെ രൂപരേഖ കൈമാറി.
മുണ്ടക്കയം: മുണ്ടക്കയം ഗ്രാമ പഞ്ചായത്ത് അഞ്ചാം- വാർഡ് – (മൈക്കോളജി) കോൺഗ്രസ് കമ്മിറ്റിയുടെ നേതൃത്വത്തിൽ വാർഡിൻ്റെ വികസന പദ്ധതികളുടെ രൂപരേഖ അഡ്വ: എം. ജെ. സെബാസ്റ്റ്യൻ എം എൽ. എ. ക്ക് കൈമാറി.35-ാം മൈൽ – വണ്ടൻപതാൻ ( ശബരിമലറോഡ് ) പി.ഡബ്ല്യു.ഡി ഏറ്റെടുക്കുക,
മുണ്ടക്കയം – മൈക്കോളജി – വണ്ടൻപതാൽ റോഡ് വീതി കൂട്ടി ബി.എം.ബി.സി നിലവാരത്തിൽ ടാർ ചെയ്യാൻ വേണ്ട നടപടികൾ സ്വീകരിക്കുക,
കീച്ചൻ പാറയിലെ 60 ൽ പരം കുടുംബങ്ങൾക്ക് പട്ടയം നൽകുവാൻ വേണ്ട അടിയന്തിര നടപടികൾ സ്വീകരിക്കു,
കുമളി – എരുമേലി ശബരിമല റോഡിലെ നെടുംതോടിനു സമീപത്തെ അപകടപരമായ വളവുകൾ നിവർത്തുന്നതിന് ആവശ്യമായ നടപടികൾ സ്വീകരിക്കുക,
വാർഡിലെ കുടിവെള്ള ക്ഷാമത്തിന് ശ്വാശ്വത പരിഹാരം കണ്ടെത്താൻ വേണ്ട മേൽ നടപ്പികൾ സ്വീകരിക്കുക. തുടങ്ങി ആവശ്യങ്ങൾ ഉന്നയിച്ചുകൊണ്ട്
എം. എൽ. എ. ക്ക് നിവേദനം നൽകി.
