മുണ്ടക്കയം പഞ്ചായത്തിൽ 16 കോവിഡ് രോഗബാധിതർ ബൂത്തിലെത്തി വോട്ട് രേഖപ്പെടുത്തി

മുണ്ടക്കയം : മുണ്ടക്കയം പഞ്ചായത്തിൽ കോവിഡ് രോഗബാധിതർ സുരക്ഷാ കിറ്റുകൾ അണിഞ്ഞ് ബൂത്തിലെത്തി, ആറുമണിക്ക് ശേഷം വോട്ട് രേഖപ്പെടുത്തി. മുണ്ടക്കയം പഞ്ചായത്ത് 13,16 വാർഡുകളിലെ രോഗം ബാധിച്ച 16 പേരാണ് ബൂത്തിലെത്തി വോട്ട് ചെയ്തത്. 16-ാം വാർഡിൽ 11 രോഗികളും, 13-ാം വാർഡിൽ അഞ്ച് രോഗികളും വോട്ട് രേഖപ്പെടുത്തി.

പുലിക്കുന്ന് ഭദാമാം ഗവ.സ്കൂൾ, സാംസ്കാരിക നിലയം എന്നിവിടങ്ങളിലെ മൂന്ന് ബൂത്തുകളിലായാണ് ഇവർ വോട്ട് രേഖപ്പെടുത്തിയത്. സർക്കാർ കുടുംബാരോഗ്യ കേന്ദ്രത്തിൽ പ്രവർത്തിക്കുന്ന കാവിഡ് ചികിത്സാ കേന്ദ്രത്തിൽ നിന്നു ആംബുലൻസിൽ രോഗികളെ പോളിങ് ബൂത്തിൽ എത്തിക്കുകയായിരുന്നു.