∙ ഒറ്റ പേപ്പറിലെ പെൻസിൽ ഡ്രോയിങ്ങിൽ ജിഷ്ണു നാരായണൻ നേടിയത് ഏഷ്യ ബുക്ക് ഓഫ് റെക്കോർഡും ഇന്ത്യ ബുക്ക് ഓഫ് റെക്കോർഡും. കാഞ്ഞിരപ്പള്ളി ഹോളി ഏയ്ഞ്ചൽസ് കോളജിലെ ബിഎ വിദ്യാർഥി കൊടുങ്ങൂർ കൈലാസ മന്ദിരത്തിൽ ജിഷ്ണു നാരായണനാണ് ( 20) യുഎസിന്റെ വിവിധ ബാങ്ക് നോട്ടിലുള്ള 53 പേരുടെ ചിത്രങ്ങൾ ഒരു പേപ്പറിൽ വരച്ച് റെക്കോർഡ് നേടിയത്. 

കുഞ്ഞുനാരായണൻ–രജനി ദമ്പതികളുടെ മകനാണ്. മാസങ്ങൾക്കു  മുൻപാണ് ജിഷ്ണു വരകളുടെ ലോകത്തേക്ക് എത്തിയത്. പരിശീലനം പൂർത്തിയാക്കിയ ശേഷം എ 3 സൈസ് പേപ്പറിൽ 24 മണിക്കൂറിനുള്ളിലാണ് 53 പേരുടെ ചിത്രങ്ങൾ പെൻസിൽ ഡ്രോയിങ്ങിലൂടെ പൂർത്തീകരിച്ചത്. യുഎസ് നോട്ടുകളിലുള്ള ജോൺ ക്യുൻസി ആഡംസ്, തോമസ് ഹാർട്ട് ബെന്റോൺ, വില്യം ക്ലാർക്ക്, എഡ്വാർഡ് എവെർട്ട്, വില്യം പിറ്റ് തുടങ്ങിയവരുടെ ചിത്രങ്ങൾ ഉൾപ്പെടെയാണ് പൂർത്തീകരിച്ചത്.