പാമ്പാടിയിൽ ചെറിയ ഭൂചലനം; ഭൂമിക്കടിയിൽനിന്ന്‌ ശബ്ദവും ചെറിയ ഒരു പ്രകമ്പനവും അനുഭവട്ടു
പാമ്പാടി: പാമ്പാടിയിൽ ശനിയാഴ്ച വൈകീട്ട്‌ ആറരയോടെ നേരിയ ഭൂചലനം അനുഭവപ്പെട്ടു. ആളപായമോ നാശനഷ്ടങ്ങളോ റിപ്പോർട്ട് ചെയ്തിട്ടില്ല. കോത്തല, പാമ്പാടി, പങ്ങട, എസ്.എൻ.പുരം, തോട്ടക്കാട് തുടങ്ങിയ സ്ഥലങ്ങളിലും നേരിയ ഭൂചലനം അനുഭവപ്പെട്ടു. ളാക്കാട്ടൂർ പ്രദേശത്ത് ഭൂമിക്കടിയിൽനിന്ന്‌ ശബ്ദവും ചെറിയ ഒരു പ്രകമ്പനവും അനുഭവപ്പെട്ടതായി പ്രദേശവാസിയായ പള്ളിയമ്പിൽ പി.ചന്ദ്രശേഖരൻ നായർ പറഞ്ഞു.
വെള്ളൂർ, കാട്ടാംകുന്ന്, മീനടം തുടങ്ങിയയിടങ്ങളിലും ഭൂമികുലുക്കം അനുഭവപ്പെട്ടു. എന്നാൽ, ഭൂചലനം സ്ഥിരീകരിക്കാൻ കഴിഞ്ഞിട്ടില്ലെന്ന് ജില്ലാ കളക്ടർ അറിയിച്ചു.