കാഞ്ഞിരപ്പള്ളിയിൽ ഡോ.എൻ. ജയരാജിന്റെ എംഎൽഎ ഓഫീസിന് തുടക്കമായി..
കാഞ്ഞിരപ്പള്ളി : ഗവ.ചീഫ് വിപ്പ് ഡോ.എൻ ജയരാജിന്റെ ഓഫീസ് കാഞ്ഞിരപ്പള്ളി കുരിശു കവലയിലുള്ള എസ് ആൻഡ് എസ് ഓഡിറ്റോറിയം കെട്ടിടത്തിൽ ( ഓപ്പറ തീയേറ്ററിന് എതിർ വശം) വെള്ളിയാഴ്ച മുതൽ പ്രവർത്തനം തുടങ്ങി. സിപിഐ എം ജില്ലാ കമ്മിറ്റിയംഗം പി എൻ പ്രഭാകരൻ ഓഫീസ് ഉദ്ഘാടനം ചെയ്തു.
ചടങ്ങിൽ ഡോ: എൻ. ജയരാജ് എം എൽ എ അധ്യക്ഷനായി. കാഞ്ഞിരപ്പള്ളി പഞ്ചായത്ത് പ്രസിഡണ്ട് കെ ആർ തങ്കപ്പൻ ,. ജില്ലാ പഞ്ചായത്ത് അംഗം ജസി ഷാജൻ മണ്ണംപ്ലാക്കൽ, ബ്ലോക്ക് പഞ്ചായത്തു അംഗം ഷക്കീലാ നസീർ , പഞ്ചായത്ത് അംഗങ്ങളായ റിജോ വാളാന്തറ, ബിജു ചക്കാല, എൽഡിഎഫ് നേതാക്കളായ വിപി ഇസ്മായിൽ, വി പി ഇബ്രാഹീം, പി കെ നസീർ ,ഷമീം അഹമ്മദ്, സജിൻ വി വട്ടപ്പള്ളി, കെ എൻ ദാമോദരൻ, അജി കാലായിൽ, ടി കെ ജയൻ ,അഡ്വ.എം എ ഷാജി, സിജോ പ്ലാത്തോട്ടം , ജോർജ്‌ വർഗീസ് പൊട്ടംകുളം, ഷാജൻ മണ്ണംപ്ലാക്കൽ, സ്ഥാനിസ്ലാവോസ് വെട്ടിക്കാട്ട് , ജോസ് മടുക്കക്കുഴി, എച്ച് അബ്ദുൽ അസീസ്, അബ് ദുൽ റസാഖ്, ഷമീർ അഞ്ചിലിപ്പ എന്നിവർ സംസാരിച്ചു. ഈ ഓഫീസ് എല്ലാ പ്രവർത്തി ദിനങ്ങളിലും പ്രവർത്തിക്കും. ആഴ്ചയിൽ രണ്ടു ദിവസം ഡോ.എൻ ജയരാജ് ഓഫീസിൽ നേരിട്ട് എത്തി ജനങ്ങളുമായി സംവദിക്കും, മറ്റുള്ള ദിവസങ്ങളിൽ എംഎൽഎയുടെ പ്രതിനിധി ഓഫീസ് കൈകാര്യം ചെയ്‌യും.
