October 8, 2020 

കാഞ്ഞിരപ്പള്ളി : അതിശക്തമായ ഇടിമിന്നലിൽ കാഞ്ഞിരപ്പള്ളി സെന്റ് ഡൊമിനിക്‌സ് കത്തീഡ്രൽ പള്ളിയുടെ മുഖവാരത്തിന്റെ മുകളിൽ പ്രതിഷ്ഠിച്ചിരുന്ന യേശുക്രിസ്തുവിന്റെ പ്രതിമയ്ക്ക് ചെറിയ കേടുപാടുകൾ സംഭവിച്ചു. വ്യാഴാഴ്ച വൈകിട്ട് മഴയൊപ്പം എത്തിയ വളരെ ശക്തമായ ഇടിമിന്നൽ ദേവാലയത്തിന്റെ മുകളിലെ പ്രതിമയിൽ നേരിട്ട് അടിക്കുകയായിരുന്നു. ആ സമയത്ത് ഒരു വലിയ ഒരു തീഗോളം പള്ളിയുടെ മുകൾഭാഗത്ത് കണ്ടെന്ന് ദൃക്‌സാക്ഷികൾ പറഞ്ഞു . ഇടിമിന്നലേറ്റ് പള്ളിയിലെ മറ്റ് പല വൈദ്യതി ഉപകരണങ്ങളും കത്തി നശിച്ചു.

കാഞ്ഞിരപ്പള്ളി പ്രദേശത്ത് ജനങ്ങളെ ഏറെനേരം ഭീതിയിലാഴ്ത്തിയ ശക്തമായ ഇടിമിന്നലിൽ വിവിധ കടകൾക്കും വീടുകൾക്കും ഓഫീസുകൾക്കും നാശനഷ്ടങ്ങൾ ഉണ്ടായിട്ടുണ്ട് .