എ​ലി​ക്കു​ളം: ഓ​ട്ടോ​റി​ക്ഷ​യി​ൽ നി​ന്നും ല​ഭി​ച്ച സ്വ​ർ​ണ​മാ​ല ഉ​ട​മ​സ്ഥ​നു തി​രി​കെ ന​ൽ​കി ഓ​ട്ടോ ഡ്രൈ​വ​ർ മാ​തൃ​ക​യാ​യി. പൈ​ക ആ​ശു​പ​ത്രി​പ്പ​ടി ജം​ഗ്ഷ​നി​ൽ ഓ​ട്ടോ​റി​ക്ഷ ഓ​ടി​ക്കു​ന്ന വ​ട്ട​ന്താ​നം പാ​റ​യി​ൽ പി.​ബി. മോ​ഹ​ന​നാ​ണ് സ​മൂ​ഹ​ത്തി​ന് മാ​തൃ​ക​യാ​യ​ത്. വ്യാ​ഴാ​ഴ്ച​യാ​ണ് മോ​ഹ​ന​ന് ഓ​ട്ടോ​റി​ക്ഷ​യു​ടെ പി​ൻ​സീ​റ്റി​ൽ നി​ന്നും മാ​ല ല​ഭി​ക്കു​ന്ന​ത്. വി​വ​രം ഉ​ട​ൻ പ​ഞ്ചാ​യ​ത്തം​ഗം മാ​ത്യൂ​സ് പെ​രു​മ​ന​ങ്ങാ​ടി​നെ അ​റി​യി​ച്ചു. ഇ​ദ്ദേ​ഹം വി​വ​രം പൊ​ൻ​കു​ന്നം പോ​ലീ​സി​ലും അ​റി​യി​ച്ചു.
മാ​ല​യു​ടെ ഉ​ട​മ​സ്ഥ​നെ അ​ന്വേ​ഷി​ച്ച് മോ​ഹ​ന​ൻ ന​വ​മാ​ധ്യ​മ​ങ്ങ​ളി​ൽ കൂ​ടി പോ​സ്റ്റി​ട്ടി​രു​ന്നു. ഇ​ന്ന​ലെ രാ​വി​ലെ മാ​ല​യു​ടെ ഉ​ട​മസ്ഥ​ൻ മൈക്കി​ൾ മാ​ത്യു മു​തു​കു​ള​ത്ത് എ​ത്തി. ഇ​ദ്ദേ​ഹ​ത്തി​ന്‍റെ മാ​താ​വി​ന്‍റെ പ​ണ​യ​ത്തി​ലി​രു​ന്ന മാ​ല എ​ടു​ത്തു മ​ട​ങ്ങും വ​ഴി​യാ​ണ് ന​ഷ്ട​പ്പെ​ട്ട​ത്. തു​ട​ർ​ന്ന് പൊ​ൻ​കു​ന്നം പോ​ലീ​സ് സ്റ്റേ​ഷ​നി​ലെ​ത്തി മാ​ല ഉ​ട​മ​സ്ഥ​ന് കൈ​മാ​റു​ക​യാ​യി​രു​ന്നു. 
എ​ലി​ക്കു​ളം പ​ഞ്ചാ​യ​ത്തം​ഗം മാ​ത്യൂ​സ് പെ​രു​മ​ന​ങ്ങാ​ട്, പൊ​ൻ​കു​ന്നം പോ​ലീ​സ് സ​ബ് ഇ​ൻ​സ്‌​പെ​ക്ട​ർ ടി.​ജി. രാ​ജേ​ഷ്, പി​ആ​ർ​ഒ ടി.​ആ​ർ. ജ​യ​കു​മാ​ർ എ​ന്നി​വ​ർ സ​ന്നി​ഹി​ത​രാ​യി​രുന്നു.