ഉരുൾപൊട്ടൽ, മലവെള്ളപ്പാച്ചിൽ, മുക്കുളം മുസ്ലിം പള്ളിക്ക് സമീപം മൂന്നു വീട്ടുകാർ വെള്ളത്താൽ ചുറ്റപ്പെട്ട നിലയിൽ; രക്ഷാപ്രവർത്തനം നടക്കുന്നു..

ഏന്തയാർ : ഞായറാഴ്ച സന്ധ്യക്ക് ഉണ്ടായ ശക്തമായ മഴയെ തുടർന്ന് ഇളങ്കാട് മൂപ്പൻ മല വെമ്പാല വനമേഖലയിൽ ഉരുൾ പൊട്ടിയതായി സൂചന. രാത്രി 7 മണിയോടെ ഉണ്ടായ ശക്തമായ മഴയെ തുടർന്ന് കഴിഞ്ഞ പ്രളയ കാലത്ത് ഉണ്ടായതുപോലെ ശക്തമായ വെള്ളപ്പാച്ചിലിൽ പുല്ല കയാറും , വടക്കേമല മേപ്പുഴ തോടും കരകവിഞ്ഞ് ഒഴുകി. എന്തയാർ, ഇളംങ്കാട്, കൂട്ടിക്കൽ പ്രദേശത്തെ വീടുകളിലെല്ലാം വെള്ളം ക കയറി.മുക്കുളം മുസ്ലിം പള്ളിക്ക് സമീപം മൂന്നു വീട്ടുകാർ വെള്ളത്താൽ ചുറ്റപ്പെട്ട നിലയിലാണ് കാഞ്ഞിരപ്പള്ളിയിൽ നിന്നും എത്തിയ അഗ്നിശമനസേനയും നാട്ടുകാരും ചേർന്ന് ഇവരെ രക്ഷിക്കാനുള്ള ശ്രമത്തിലാണ്.മുക്കുളം താഴത്തങ്ങാടി ഭാഗത്ത് താൽക്കാലികമായി നിർമ്മിച്ച പാലം വെള്ളപാച്ചിലിൽ ഒലിച്ചു പോയി.