കാഞ്ഞിരപ്പള്ളി പിച്ചകപള്ളിമേട് ഭവനപദ്ധതി ശിലാസ്ഥാപനവും വ്യക്തിത്വങ്ങളെ ആദരിക്കലും മാർച്ച് 13ന്

കാഞ്ഞിരപ്പള്ളി ചാരിറ്റബിൾ ഓർഗനൈസേഷൻ (KCO) യുടെ നേതൃത്വത്തിൽ “കൈകോർക്കാം ..വീടൊരുക്കാം…” എന്ന ഭവന പദ്ധതിയുടെ ആദ്യഘട്ട ശിലാസ്ഥാപനം മാർച്ച് പതിമൂന്നാം തീയതി ഞായറാഴ്ച ഉച്ചകഴിഞ്ഞ് നാല് മണിക്ക് വട്ടകപ്പാറയിൽ വെച്ച് നടത്തപ്പെടുന്നു. സുമനസ്സുകളിൽ നിന്നും സമാഹരിക്കപ്പെട്ട പണം ഉപയോഗിച്ച് വാങ്ങിയ 43 സെന്റ് സ്ഥലത്ത് റോഡ്, വായനശാല, കളിസ്ഥലം, പൊതുകിണർ തുടങ്ങിയവയോടുള്ള പ്ലാനാണ് തയ്യാറാക്കിയിരിക്കുന്നത്

കെ.സി. ഒ ചെയർമാൻ സുനിൽ തേനംമാക്കലിന്റെ അദ്ധ്യക്ഷയിൽ ചേരുന്ന പൊതുസമ്മേളനം ആന്റോ ആന്റണി എംപി ഉദ്‌ഘാടനം ചെയ്യുന്നതും ആദ്യഘട്ടത്തിൽ രണ്ട് വീടിന്റെ തറക്കല്ലിടൽ നെസ്റ്റ് ഗ്രൂപ്പ് വൈസ്ചെയർമാൻ എൻ.ജഹാംഗീർ ആദ്യ കർമ്മം നിർവഹികുന്നതും ഗവണ്മെന്റ് ചീഫ് വിപ്പ് ഡോ: എൻ. ജയരാജ് വ്യത്യസ്ത മേഖലയിലുള്ള സാമൂഹിയ പ്രവർത്തകരായ മികച്ച വില്ലേജ് ഓഫിസർ വി.എം സുബൈർ, സാമൂഹിയ പ്രവർത്തകൻ ശ്രി.പി.ജി ജനിവ്, തൊണ്ണുറ്റി മുന്നാം വയസ്സിലും ആതുര സേവന രംഗത്തെ ജോലിയിൽ കൃത്യമായി തുടരുന്ന ഡോക്ടർ അച്ചാമ്മ ചാണ്ടി, ജനകിയ രക്തദാനസേന സംസ്ഥാന കൺവീനർ നെജിബ് കാഞ്ഞിരപ്പള്ളി തുടങ്ങിയ മഹത് വ്യക്തിത്വങ്ങളെ ആദരിക്കുന്നതും , റിയൽ ബിസ്മി ഗ്രൂപ്പ് ചെയർമാൻ .വി ഐ യൂസഫ് മുഖ്യപ്രഭാഷണം നടത്തുന്നതും ഗ്രാമ പഞ്ചായത്ത് പ്രിസിഡന്റ് കെ.ആർ തങ്കപ്പൻ 2021 – 22 വർഷത്തെ പദ്ധതിയിൽപ്പെട്ട കർഷകർക്ക് പച്ചക്കറിതൈകൾ വിതരണം നടത്തുന്നതും യോഗത്തിൽ ഗ്രാമ , ബ്ലോക്ക്, ജില്ലാ പഞ്ചായത്ത് മെംബർമാർ രാഷ്ട്രീയ സാമൂഹ്യ സാംസ്കാരിക സമുദായിക നേതാക്കന്മാർ തുടങ്ങിയവർ പങ്കെടുക്കുന്നതുമാണ് .

     പത്രസമ്മേളനത്തിൽ  കെ.സി. ഒ ചെയർമാൻ സുനിൽതേനംമാക്കൽ ,ജനറൽ കൺവീനർ ഷക്കീല നെസീർ ,ചീഫ് കോർഡിനേറ്റർ  ബഷീർ തേനംമാക്കൽ, കെ.സി. ഒ ഭാരവാഹികളായ റ്റി. ഇ നസറുദ്ദീൻ , സെയ്യദ് ചെറുകര .ഷിബിലി കറന്റസ്, നെജിബ് കാഞ്ഞിരപ്പള്ളി തുടങ്ങിയവർ പങ്കെടുത്തു.