പരിസ്ഥിതി ദിനത്തിൽ മാതൃകയായി കാഞ്ഞിരപ്പള്ളി എംഎൽഎ ഡോ.എൻ. ജയരാജ്
കാഞ്ഞിരപ്പള്ളി : സ്വന്തം അച്ഛനും അമ്മയും അന്ത്യവിശ്രമം കൊള്ളുന്ന തറവാട്ട് ഭൂമിയിൽ പരിസ്ഥിതി ദിനത്തിൽ തൈ നട്ട് കാഞ്ഞിരപ്പള്ളി എംഎൽഎ ഡോ.എൻ. ജയരാജ് മാതൃകയായി. പതിവ് തെറ്റിക്കാതെ ഏറെ നാളുകളായി അദ്ദേഹം അത്തരം മഹനീയ കർമ്മം തുടരുന്നു. നേരത്തെ ആ ഭൂമിയിൽ നട്ട മാവും, പ്ലാവും മറ്റു ഫലവൃക്ഷങ്ങളും വലുതായി കഴിഞ്ഞു .
” പൂർവ്വികർ നട്ട ചെടികളുടെ ഫലം അനുഭവിക്കുന്നത് നമ്മളാണ്. ഒരു ചെടി കുഴിച്ചു വെച്ച ശേഷം അടുത്ത പരിസ്ഥിതി ദിനത്തിൽ മാത്രം ചിന്തിച്ചാൽപ്പോര, നമുക്ക് ശേഷവും ഈ ഭൂമിക്ക് അവകാശികളായി അനേകമായിരം തലമുറകൾ ഇനിയും വരുവാനുണ്ട് എന്ന ഉദാത്തമായ ചിന്ത പുലർത്തുക” ഡോ.എൻ. ജയരാജ് പറഞ്ഞു .