കാഞ്ഞിരപ്പള്ളിയിൽ എൻസിപി ജൻമദിനാഘോഷം നടത്തി
കാഞ്ഞിരപ്പള്ളി : എൻ സി പി യുടെ 24-)മത് ജന്മദിനാഘോഷം എൻ സി പി കാഞ്ഞിരപ്പള്ളി ബ്ലോക്ക് കമ്മിറ്റി സംഘടിപ്പിച്ചു . മാതൃകാപരമായി സുശക്തമായ മതേതര ഗവണ്മെന്റ് നയിക്കുന്ന രാജ്യത്തിനാകെ മാർഗദർശിയായ മുഖ്യമന്ത്രിയാണ് പിണറായി വിജയനെന്നും ദേശീയ തലത്തിൽ ബി ജെ പി യും കോൺഗ്രസ്സും അദ്ദേഹത്തെ രാഷ്ട്രീയമായി ഭയപ്പെടുന്നതുകൊണ്ടാണ് യോജിച്ചു നിന്ന് മുഖ്യമന്ത്രിയെ തേജോവധം ചെയ്യുന്നതെന്നും ഇത്‌ മതേതര ഭാരതത്തിനു വെല്ലുവിളിയാണെന്നും ആയതിനാൽ ഈ വിഷയം കേരള ജനത തള്ളിക്കളയുമെന്നും എൻ സി പി ബ്ലോക്ക് കമ്മിറ്റി അഭിപ്രായപ്പെട്ടു.
യോഗത്തിൽ ബ്ലോക്ക് പ്രസിഡന്റ് ജോബി കേളിയംപറമ്പിൽ അധ്യക്ഷനായി. ദേശീയ സമിതിയംഗം പി എ താഹ പതാക ഉയർത്തി. മഹിളാ കോൺഗ്രസ് സംസ്ഥാന സെക്രട്ടറി ബീനാ ജോബി, റെജി കുന്നുംപുറം, മാണി വർഗീസ്, റിന്റോ തെക്കേമുറി, ജിൻസി ഫിലിപ്പ്, ഗോൺസാല തോമസ്, ജോബി പുലുംപേൽതകിടിയേൽ , വർഗീസ് തടത്തിൽ എന്നിവർ സംസാരിച്ചു.