കാഞ്ഞിരപ്പള്ളിയിൽ വാഹനാപകടം : മിനി ലോറിയും സ്‌കൂട്ടറും കൂട്ടിയിടിച്ചുണ്ടായ അപകടത്തിൽ കോൺഗ്രസ് നേതാവ് മരണപ്പെട്ടു
കാഞ്ഞിരപ്പള്ളി : കാഞ്ഞിരപ്പള്ളി ടൗണിൽ വച്ച് 407 മിനി ലോറിയും സ്‌കൂട്ടറും കൂട്ടിയിടിച്ച് സ്‌കൂട്ടർ യാത്രികനായ വയോധികൻ മരിച്ചു. കാഞ്ഞിരപ്പള്ളി എറികാട് ഭാഗത്ത് കഴിഞ്ഞ ആറു മാസമായി താമസിക്കുന്ന, ചങ്ങനാശ്ശേരി സ്വദേശിയും , കോൺഗ്രസ് ചങ്ങനാശേരി ബ്ലോക്ക് സെക്രട്ടറിയുമായ കുളത്തുങ്കൽ പ്രസാദ് ജോസഫ് (67 ) ആണ് അപകടത്തിൽ മരണപ്പെട്ടത്.
ബുധൻ വൈകുന്നേരം നാലുമണിയോടെയായിരുന്നു അപകടം നടന്നത്. ഗുരുതരമായി പരുക്കേറ്റ പ്രസാദിനെ പെട്ടെന്ന് തന്നെ കാഞ്ഞിരപ്പള്ളി മേരി ക്യുൻസ് ആശുപത്രിയിൽ എത്തിച്ചെങ്കിലും, ജീവൻ രക്ഷിക്കുവാൻ സാധിച്ചില്ല. സംസ്ക്കാരം പിന്നിട് . ഭാര്യാ എൽസ ആനക്കല്ല് തട്ടാംതറ കുടുംബാംഗം. മക്കൾ : അർജുൻ കാനഡാ , പൂജാ (മാൾട്ടായിൽ നേഴ്സ്).
