പെനുവേൽ ആശ്രമത്തിലെ വാഹനം അപകടത്തിൽ പെട്ടു.
കാഞ്ഞിരപ്പള്ളി: തമ്പലക്കാട് റോഡിൽ മാനിടംകുഴി പാലത്തിനു സമീപം ജീപ്പ് തലകീഴായി മറിഞ്ഞ് അപകടം. തമ്പലക്കാട് പെനുവേൽ ആശ്രമത്തിലെ ജീപ്പാണ് അപകടത്തിൽപ്പെട്ടത്. ജീപ്പ് ജീപ്പ് ഡ്രൈവർ പരിക്കേൽക്കാതെ അത്ഭുതകരമായി രക്ഷപ്പെട്ടു.
തമ്പലക്കാട് പെനുവൽ ആശ്രമത്തിൽ നിന്നും കാഞ്ഞിരപ്പള്ളിയിലേക്ക് വരികയായിരുന്നു ബൊലേറോ ജീപ്പ് . മാനിടംകുഴി പാലത്തിൽ വച്ച് മറ്റൊരു വാഹനത്തെ മറികടക്കവേ മാനിടംകുഴി ഭാഗത്ത് നിന്നും കേറിവന്ന പിക്കപ്പ് ലോറിയിൽ ഇടിക്കാതിരിക്കുവാൻ വെട്ടിച്ചതോടെ ബൊലേറോ ജീപ്പ് നിയന്ത്രണം വിട്ട് വട്ടം പറയുകയായിരുന്നു. അപകടത്തിൽ ജീപ്പിന്റെ മുൻഭാഗം തകർന്നു .
അപകടം കണ്ട് ബ്രേക്ക് ചെയ്ത മറ്റൊരു കാറിന്റെ പിറകിൽ ബൈക്കിടിച്ച് കാറിനും ചെറിയ കേടുപാട് സംഭവിച്ചു.