ആനക്കല്ല് – പുളിമാവ് റോഡ് നവീകരിക്കുന്നു
കാഞ്ഞിരപ്പള്ളി: ആനക്കല്ല് – പുളിമാവ് റോഡിന്റെ നവീകരണ പ്രവർത്തനങ്ങൾ ആരംഭിച്ചു. അഞ്ചാം വാർഡ് മെംബർ ബിജു ചക്കാലയുടെ നേതൃത്വത്തിൽ നാട്ടുകാരുടെ സഹായത്തോടെയാണ് റോഡിന്റെ വീതി കൂട്ടിയുള്ള നിർമാണ പ്രവർത്തനങ്ങൾ നടക്കുന്നത്. ഈരാറ്റുപേട്ട, തന്പലക്കാട്, പൊൻകുന്നം എന്നിവിടങ്ങളിലേക്ക് ടൗണിലെ ബ്ലോക്കിൽപ്പെടാതെ പെട്ടെന്ന് പോകാൻ സഹായകരമാണ് ഈ റോഡ്. കാഞ്ഞിരപ്പള്ളിയിലെ മറ്റൊരു ബൈപ്പാസായി ഈ റോഡിനെ ഉപയോഗിക്കാമെന്ന് മെംബർ പറയുന്നു. ത്രിതല പഞ്ചായത്തുകളുടെ സഹായത്തോടെ റോഡിന്റെ ടാറിംഗും മറ്റ് പ്രവർത്തനങ്ങളും നടത്തുമെന്നും മെംബർ ബിജു ചക്കാല പറഞ്ഞു.
