കാഞ്ഞിരപ്പള്ളി നിയോജക മണ്ഡലത്തിൽ റോഡുകൾ ബിഎംബിസി നവീകരണത്തിന് 3.35 കോടി
പൊൻകുന്നം: കാഞ്ഞിരപ്പള്ളി നിയോജക മണ്ഡലത്തിലെ റോഡുകൾ ബിഎംബിസി നവീകരണത്തിനായി 3.35 കോടി അനുവദിച്ചതായി ഡോ. എൻ. ജയരാജ് എംഎൽഎ അറിയിച്ചു. പൊതുമരാമത്ത് ബജറ്റ് ഫണ്ടിൽ ഉൾപ്പെടുത്തുന്നതിന് നിർദേശം നൽകിയതിന്റെ അടിസ്ഥാനത്തിലാണ് അനുമതി ലഭിച്ചത്. വാഴൂർ സെക്ഷൻ പരിധിയിലുള്ള ഒറവയ്ക്കൽ – കൂരാലി റോഡിന് രണ്ടു കോടി, എരുമേലി സെക്ഷന്റെ പരിധിയിലുള്ള പൊന്തൻപുഴ – മുക്കട റോഡിന് 1.35 കോടി എന്നിങ്ങനെയാണ് തുക അനുവദിച്ചിരിക്കുന്നത്. ഉടൻ ജോലികൾ ആരംഭിക്കാനാകുമെന്ന് എംഎൽഎ അറിയിച്ചു.
