വൈസ് മെൻ ഇന്റർനാഷണൽ ഇന്ത്യ സെൻട്രൽ ട്രാവൻകൂർ റീജിയണിലെ ഡിസ്ട്രിക്ട് ആറിന്റെ സാരഥികൾ സ്ഥാനമേറ്റു

കാഞ്ഞിരപ്പള്ളി : വൈസ് മെൻ ഇന്റർനാഷണൽ ഇന്ത്യ ഏരിയായിലെ പുതിയ റീജിയൺ ആയ സെൻട്രൽ ട്രാവൻകൂർ റീജിയണിലെ ഡിസ്ട്രിക്ട് ആറിന്റെ ആദ്യ സിസ്ട്രിക്ട് ഗവർണർ ർ ആയി ബാജു തോമസ് അടുപ്പുകല്ലിൽ സ്ഥാനമേറ്റു. ബിനോയ് തോമസ് പുരയിടം ആണ് ഡിസ്ട്രിക്ട് സെക്രട്ടറി .
മുണ്ടക്കയം ,കാഞ്ഞിരപ്പള്ളി , പൊൻകുന്നം ,പാല ,പനക്കപ്പാലം ,മുത്തോലി ,പിണ്ണാക്കനാട്, തിടനാട് ,രാമപുരം ,പുലിയന്നൂർ ,കൊല്ലപ്പള്ളി എന്നിവിടങ്ങളിലെ ക്ലബ്ബുകളാണ് ഡിസ്ട്രിക്ട് ആറിൽ ഉൾപ്പെടുന്നത് . ഡെപ്യൂട്ടി സ്പീക്കർ ശ്രീ ചിറ്റയം ഗോപകുമാർ ചടങ്ങ് ഉദ്ഘാടനം ചെയ്തു. വൈസ് മെൻ ഇന്റർനാഷണൽ പ്രസിഡന്റ് ഇലക്ട് ഡോ. കിം സാങ് ചെ മുഖ്യ പ്രഭാഷണം നടത്തുകയും ഇന്റർനാഷണൽ പ്രസിഡന്റ് ജേക്കബ് ക്രിസ്റ്റിൻസെൻ പുതിയ റീജിയണിന്റെ ഉദ്ഘാടനം നിർവഹിക്കുകയും ചെയ്തു.

ഇന്റർനാഷണൽ പ്രസിഡന്റ് ഇലക്ട് ഇലക്ട് ഡോ.കെ.സി.സാമുവൽ സത്യപ്രതിജ്ഞാവാചകം ചൊല്ലി ഭാരവാഹികളുടെ സ്ഥാനാരോഹണം നടത്തി. റീജിയണൽ സെക്രട്ടറി സാംസൺ ഐസക് നന്ദി പറഞ്ഞു. കോവിഡ് മാനദണ്ഡങ്ങൾ പാലിച്ചു നടത്തിയ ചടങ്ങിൽ ബഹു. റവ . ഡോ. തിയോഡോസിയസ് മാർത്തോമാ , Er. ഒറേലിയൻ ഫിഗറീഡോ , Adv ഷാനവാസ് ഘാൻ , മാമ്മൻ ഉമ്മൻ , ജോർജ് ഡാനിയൽ , വി.എസ്. രാധാകൃഷ്ണൻ , Adv ജേക്കബ് വർഗ്ഗീസ്സ് തുടങ്ങിയവർ പങ്കെടുത്തു.