മു​ണ്ട​ക്ക​യം: മു​ണ്ട​ക്ക​യം ടൗ​ണി​ൽ ചൊ​വ്വാ​ഴ്ച രാ​ത്രി​യു​ണ്ടാ​യ തീ​പി​ടിത്ത​ത്തി​ൽ ഒ​രു ക​ട പൂ​ർ​ണ​മാ​യും ക​ത്തി​ന​ശി​ച്ചു. ര​ണ്ട് ക​ട​ക​ൾ​ക്ക് ഭാ​ഗി​ക​മാ​യി നാ​ശ​ന​ഷ്ട​മു​ണ്ടാ​യി. മു​ണ്ട​ക്ക​യം ബ​സ് സ്റ്റാ​ൻ​ഡി​നു​ള്ളി​ൽ പ്ര​വ​ർ​ത്തി​ച്ചു വ​ന്നി​രു​ന്ന ടൗ​ൺ ബേ​ക്ക​റി​യാ​ണ് പൂ​ർ​ണ​മാ​യും ക​ത്തി​ന​ശി​ച്ച​ത്. 

സ്ഥാ​പ​ന​ത്തി​ലെ ജ​ന​റേ​റ്റ​റും റ​ഫ്രി​ജ​റേ​റ്റ​ർ അ​ട​ക്ക​മു​ള്ള ഇ​ല​ക്ട്രോ​ണി​ക്സ് ഉ​പ​ക​ര​ണ​ങ്ങ​ളും ക​ത്തി ന​ശി​ച്ചു. ഇ​തി​ന്‍റെ സ​മീ​പ​ത്തെ വ​സ്ത്ര​വ്യാ​പാ​ര സ്ഥാ​പ​ന​ത്തി​നും തീ​പി​ടി​ത്ത​ത്തി​ൽ വ​ലി​യ നാ​ശ​ന​ഷ്ട​മു​ണ്ടാ​യി. അ​റ​ഫാ കോം​പ്ല​ക്സി​ലെ നി​ര​വ​ധി വ്യാ​പാ​ര​സ്ഥാ​പ​ന​ങ്ങ​ളു​ടെ ബോ​ർ​ഡു​ക​ളും ഇ​ല​ക്ട്രോ​ണി​ക്സ് ഉ​പ​ക​ര​ണ​ങ്ങ​ളും തീ​പി​ടി​ത്ത​ത്തി​ൽ ക​ത്തി ന​ശി​ച്ചു. 

രാ​ത്രി 11.30 ഓ​ടെ​യാ​യി​രു​ന്നു സം​ഭ​വം. ടൗ​ൺ ബേ​ക്ക​റി​യി​ൽ​നി​ന്നു തീ​പ​ട​രു​ന്ന​ത്ക​ണ്ട നാ​ട്ടു​കാ​ർ പോ​ലീ​സി​ൽ വി​വ​രം അ​റി​യി​ക്കു​ക​യും പോ​ലീ​സി​ന്‍റെ​യും നാ​ട്ടു​കാ​രു​ടെ​യും നേ​തൃ​ത്വ​ത്തി​ൽ അ​ഗ്നി​ബാ​ധ നി​യ​ന്ത്രി​ക്കു​വാ​ൻ ശ്ര​മം ന​ട​ത്തു​ക​യും ചെ​യ്തു. തു​ട​ർ​ന്ന് കാ​ഞ്ഞി​ര​പ്പ​ള്ളി​യി​ൽ നി​ന്നും പീ​രു​മേ​ട്ടി​ൽ നി​ന്നു​മാ​യി മൂ​ന്ന് യൂ​ണി​റ്റ് ഫ​യ​ർ​ഫോ​ഴ്സ് സം​ഘം എ​ത്തി രാ​ത്രി 1.30 ഓ​ടെ തീ ​നി​യ​ന്ത്ര​ണ​വി​ധേ​യ​മാ​ക്കു​ക​യാ​യി​രു​ന്നു. 

ഏ​ക​ദേ​ശം 40 ല​ക്ഷം രൂ​പ​യ്ക്ക് മു​ക​ളി​ൽ നാ​ശ​ന​ഷ്ടം ഉ​ണ്ടാ​യി​ട്ടു​ണ്ടെ​ന്നാ​ണ് പ്രാ​ഥ​മി​ക വി​ല​യി​രു​ത്ത​ൽ. കെ​ട്ടി​ട​ത്തി​ലെ മ​റ്റു ഭാ​ഗ​ങ്ങ​ളി​ലേ​ക്ക് തീ​പ​ട​രാ​തി​രു​ന്ന​ത് വ​ലി​യ ദു​ര​ന്ത​മാ​ണ് ഒ​ഴി​വാ​ക്കി​യ​ത്. ഷോ​ർ​ട്ട് സ​ർ​ക്യൂ​ട്ടാ​ണ് തീ​പി​ടിത്ത​ത്തി​ന് ഇ​ട​യാ​ക്കി​യ​തെ​ന്നാ​ണ് പ്രാ​ഥ​മി​ക നി​ഗ​മ​നം. സം​ഭ​വ​സ്ഥ​ല​ത്ത് ഫോ​റ​ൻ​സിക് ടീ​മം​ഗ​ങ്ങ​ളും വി​ര​ല​ട​യാ​ള വി​ദ​ഗ്ധ​രു​മെ​ത്തി പ​രി​ശോ​ധ​ന ന​ട​ത്തി. ഇ​വ​രു​ടെ പ​രി​ശോ​ധ​നാ​ഫ​ലം കൂ​ടി പു​റ​ത്തു വ​ന്നാ​ൽ മാ​ത്ര​മേ അ​പ​ക​ട​ത്തി​ന്‍റെ യ​ഥാ​ർ​ഥ കാ​ര​ണം എ​ന്താ​ണെ​ന്ന് അ​റി​യാ​ൻ സാ​ധി​ക്കു​ക​യു​ള്ളൂ.