വിരണ്ടോടിയ പോത്ത് നാട് വിറപ്പിച്ചു, ഒടുവിൽ കീഴടക്കി ..

കാഞ്ഞിരപ്പള്ളി : അറക്കുവാൻ കൊണ്ടുവന്ന പോത്ത് അറവുശാലയിൽ നിന്നും വിരണ്ടോടി. ആനക്കല്ലിൽ നിന്നും വിരണ്ടോടിയ പോത്ത് ആദ്യം മഞ്ഞപ്പള്ളി ഭാഗത്തേക്കാണ് ഓടിയത്. പിടിക്കുവാൻ ആളുകൾ പിറകെ ഓടി. മഞ്ഞപ്പള്ളി ഭാഗത്തുനിന്നും പോത്ത് തിരിഞ്ഞോടി കാഞ്ഞിരപ്പള്ളി ടൗണിൽ എത്തി . തുടർന്ന് അടുത്തുള്ള തോട്ടിൽ ചാടിയ പോത്തിനെ കയറിട്ട് കുരുക്കി കീഴടക്കുകയായിരുന്നു. കാഞ്ഞിരപ്പള്ളി ഫയർഫോഴ്‌സും പോത്തിനെ പിടിച്ചുകെട്ടുന്നതിൽ സഹായിച്ചു.