സൈക്കിൾ മറിഞ്ഞ് പരിക്കേറ്റ് ചികിത്സയിൽ കഴിഞ്ഞ വിദ്യാർഥി മരിച്ചു
വാഴൂർ : സൈക്കിൾ മറിഞ്ഞുപരിക്കേറ്റ് ചികിത്സയിൽ കഴിഞ്ഞ വിദ്യാർഥി മരിച്ചു. കാനം പുളിക്കൽ (മങ്കൊമ്പിൽ ) സജി പി.സാമുവലിന്റെ മകൻ ഷെജിൻ ഫിലിപ്പ് സജി (14) യാണ് മരിച്ചത്. കാനം സി.എം.എസ്.ഹൈസ്‌ക്കൂൾ എട്ടാക്ലാസ് വിദ്യാർഥിയാണ്. സുഹൃത്തിനൊപ്പം സൈക്കിളിൽ പോകുമ്പോൾ കഴിഞ്ഞയാഴ്ച കാനം-ചാമംപതാൽ റോഡിൽ തവളപ്പാറയിൽ വെച്ചായിരുന്നു അപകടം.
തലയ്ക്ക് ഗുരുതരമായി പരിക്കേറ്റ ഷെജിൻ ചേർപ്പുങ്കലിലെ സ്വകാര്യാശുപത്രിയിൽ ചികിത്സയിൽ കഴിയവെ വ്യാഴാഴ്ച രാവിലെ 10.30-ഓടെ മരിച്ചു. അമ്മ: മേരി സജി. പുല്ലാട് ചുണ്ടക്കാവെട്ടുമണ്ണിൽ . സഹോദരൻ ജെറിൻ . ശവസംസ്‌ക്കാരം ശനിയാഴ്ച രണ്ടിന് വീട്ടിലെ ശുശ്രൂഷയ്ക്ക് ശേഷം കാനം സെന്റ് ജെയിംസ് സി.എസ്.ഐ. പള്ളി സെമിത്തേരിയിൽ .