ഓട്ടത്തിനിടയിൽ ഡ്രൈവർ മയങ്ങി, കാഞ്ഞിരപ്പള്ളി ചേപ്പുംപാറയിൽ നിയന്ത്രണം വിട്ട കാർ കടയിലേക്ക് ഇടിച്ചു കയറി..
കാഞ്ഞിരപ്പള്ളി : ചേപ്പുംപാറയിൽ നിയന്ത്രണം വിട്ട കാർ കടയിലേക്ക് ഇടിച്ചു കയറി. സമീപത്തുള്ള തണൽ മരത്തിൽ തട്ടി ഗതി മാറിയതിനാൽ വൻ അപകടം ഒഴിവായി.
ചേപ്പുംപാറയിൽ കാഡ്‌ബറി ഓഫീസിനു സമീപത്തുള്ള മൺപാതങ്ങൾ വിൽക്കുന്ന കടയിലേക്കാണ് കാർ ഇടിച്ചുകയറിയത് .
സംഭവസമയത്ത് മൺപാത്രങ്ങൾ വിൽക്കുന്ന കടയിലുണ്ടായിരുന്ന ജീവനക്കാരി അത്ഭുതകരമായി രക്ഷപ്പെട്ടു. കടയിലുണ്ടായിരുന്ന നിരവധി സാധനങ്ങൾക്ക് നഷ്ട്ടം ഉണ്ടായിട്ടുണ്ട്. ഓട്ടത്തിനിടയിൽ കാർ ഡ്രൈവർ ഉറങ്ങി പോയതാണ് അപകടകാരണമെന്ന് കരുതപ്പെടുന്നു. പോലീസ് അപകട സ്ഥലത്തെത്തി മേൽനടപടികൾ സ്വീകരിച്ചു .