മിടുമിടുക്കർക്ക് എം.എൽ .എ. പ്രതിഭാപുരസ്‌കാരം വിതരണം ചെയ്തു
മുണ്ടക്കയം: പൂഞ്ഞാർ നിയോജകമണ്ഡലത്തിലെ സ്‌കൂളുകളിൽ നിന്നു എസ്.എസ്.എൽ .സി, ഹയർ സെക്കൻഡറി പരീക്ഷകളിൽ എല്ലാ വിഷയങ്ങൾക്കും എ പ്ലസ് നേടിയ മുഴുവൻ വിദ്യാർഥികൾക്കും , 100% വിജയം നേടിയ എല്ലാ സ്‌കൂളുകള്‍ക്കും അഡ്വ. സെബാസ്റ്റ്യൻ കുളത്തുങ്കൽ എം എൽ എ ഏർപ്പെടുത്തിയ പ്രതിഭാ പുരസ്‌ക്കാരം നല്‍കുന്ന പദ്ധതിയുടെ പൂഞ്ഞാര്‍ നിയോജകമണ്ഡലം തല ഉദ്ഘാടനം കോരുത്തോട് സി. കേശവൻ മെമ്മോറിയൽ ഹയർ സെക്കണ്ടറി സ്കൂളിൽ നടന്ന ചടങ്ങിൽ കേരള ജലവിഭവ വകുപ്പ് മന്ത്രി ശ്രീ. റോഷി അഗസ്റ്റിൻ നിർവഹിച്ചു.
1504 കുട്ടികളാണ് അവാർഡിന് അർഹത നേടിയത്. നൂറുശതമാനം വിജയം നേടിയ 55 സ്‌കൂളുകൾക്ക് പ്രത്യേക അവാർഡും നൽകും. ചടങ്ങിൽ സി.പി.എം. ഏരിയ സെക്രട്ടറി കെ. രാജേഷ് അധ്യക്ഷനായി. അഡ്വ. സെബാസ്റ്റ്യൻ കുളത്തുങ്കൽ എം.എൽ.എ. അവാർഡുകൾ വിതരണം ചെയ്തു. . ജില്ലാ പഞ്ചായത്ത് അംഗം ശുഭേഷ് സുധാകരൻ മുഖ്യപ്രഭാഷണം നടത്തി..