കെഎസ്ആർടിസി ഡ്രൈവര്‍മാരെ ആദരിച്ചു
എരുമേലി: കോവിഡ് പ്രതിരോധ പ്രവര്‍ത്തനങ്ങളില്‍ പങ്കാളികളായ എരുമേലിയിലെ കെഎസ്ആർടിസി ഡ്രൈവര്‍മാരെ ആന്‍റോ ആന്‍റണി എംപി ആദരിച്ചു. കെഎസ്ടി വര്‍ക്കേഴ്‌സ് യൂണിയന്‍ – ഐഎന്‍ടിയുസി എരുമേലി യൂണിറ്റ് നടത്തിയ കോവിഡ് പ്രതിരോധ പ്രവര്‍ത്തനങ്ങളില്‍ പങ്കാളികളായ ജോഷി കുര്യന്‍, നൗഷാദ് പി.ഐ, താജിന്‍ സി. കോര, എസ്. അജേഷ് എന്നിവരെയാണ് മൊമന്‍റോ നല്‍കി ആദരിച്ചത്. കോവിഡ് രോഗികളെ ആശുപത്രികളില്‍ എത്തിക്കുന്നതിനായി സിഎഫ്എല്‍ടിസികളില്‍ ആംബുലന്‍സിന്‍റെ ഡ്രൈവര്‍മാരായാണ് ഇവർ പ്രവര്‍ത്തിച്ചത്. കോവിഡ് പ്രതിരോധ പ്രവര്‍ത്തനങ്ങൾക്ക് നേതൃത്വം നല്‍കിയ എരുമേലി യൂത്ത്‌കെയര്‍ ചെയര്‍മാന്‍ ബിനു മറ്റക്കരയെയും ആദരിച്ചു. യൂണിറ്റ് പ്രസിഡന്റ് പി.പി. സലിമോന്‍ അധ്യക്ഷത വഹിച്ചു. കെപിസിസി സെക്രട്ടറി പി.എ. സലിം, . കോണ്‍ഗ്രസ് ബ്ലോക്ക് പ്രസിഡന്റ് റോയി കപ്പലുമാക്കല്‍, ഡിസിസി സെക്രട്ടറി പ്രകാശ് പുളിക്കന്‍, ബ്ലോക്ക് സെക്രട്ടറി ഫസീം ചുടുകാട്ടില്‍, പഞ്ചായത്തംഗം നാസര്‍ പനച്ചി, മണ്ഡലം പ്രസിഡന്റ് ടി.വി. ജോസഫ്, ഐഎന്‍ടിയുസി ജില്ല സെക്രട്ടറി അനസ് ഷുക്കൂര്‍, യൂണിറ്റ് സെക്രട്ടറി സഞ്ജു ഫിലിപ്പ്, ട്രഷറര്‍ ജോജന്‍ മാത്യു, പി. ജെ. അനില്‍കുമാര്‍ എന്നിവര്‍ പ്രസംഗിച്ചു.