സ്കൂട്ടറിൽ ലോറിയിടിച്ച് അപകടത്തിൽ പെട്ട യുവാവ് മരിച്ചു.

കാഞ്ഞിരപ്പള്ളി : വൈക്കം വടയാർ പാലത്തിനു സമീപം വെള്ളിയാഴ്ച ഒരുമണിക്കൂണ്ടായ വാഹനാപകടത്തിൽ വൈക്കം ശ്രീമഹാദേവ കോളേജിലെ ഒന്നാം വർഷ റ്റി. റ്റി. സി. വിദ്യാർത്ഥി പാറത്തോട് ചോറ്റി സ്വദേശി പറമ്പിൽ സതീഷിന്റെ മകൻ ഡയസ് പി എസ് (24) മരണമടഞ്ഞു. മതാവ് ഡെയ്സമ്മ (ഇഞ്ചിയാനി വട്ടക്കാവ് സെന്റ് സേവ്യർ എൽ പി എസ് പ്രഥമ അദ്ധ്യാപിക). സഹോദരൻ ഡയസൻ , സഹോദരി ഡെയ്സ്ന. പിതാവ് സതീഷ് റിട്ട. പഞ്ചായത്ത് സെക്രട്ടറിയും, പാറത്തോട് മണ്ഡലം കോൺഗ്രസ് കമ്മിറ്റിയുടെ ചോറ്റി ഭാഗം ബൂത്ത് പ്രസിഡന്റുമാണ്.

വൈക്കം വടയാർ പാലത്തിനും തുവേലിക്കുന്നിനുമിടയിലുള്ള പാലത്തിലായിരുന്നു അപകടം പിന്നിൽ നിന്നും വരികയായിരുന്ന ടോറസ് ഡയസിന്റെ സ്കൂട്ടറിനെ മറികടക്കുന്നതിനിടെ സ്കൂട്ടറിൽ ഇടിച്ച് തെറിച്ചു് വീണ ഡയസിന്റെ ശരീരത്തിലൂടെ ടോറസ് കയറിയിറങ്ങുകയായിരുന്നു. ഉടൻ തന്നെ വൈക്കം താലൂക്ക് ആശുപത്രിയിലും തുടർന്ന് കോട്ടയം മെഡിക്കൽ കോളേജ് ആശുപത്രിയി ലും എത്തിച്ചുവെങ്കിലും ജീവൻ രക്ഷിക്കാനായില്ല.

മൃതസംസ്കാര ശുശ്രൂഷ ശനിയാഴ്ച 4 pm നു ചോറ്റി ഗാന്ധിനഗർ ഭാഗത്തുള്ള സ്വഭവനത്തിൽ ആരംഭിക്കുന്നതും 5 മണിക്ക് വെളിച്ചിയാനി ഫൊറോന പള്ളി സെമിത്തേരിയിൽ സംസ്കാരം നടക്കുന്നതുമാണ്.