എം.ജി. സർവകലാശാല ജൂഡോ മത്സരം കാഞ്ഞിരപ്പള്ളി സെന്റ് ഡൊമിനിക്സ് കോളേജിൽ
കാഞ്ഞിരപ്പള്ളി : എം ജി സർവ്വകലാശാലയുടെ ഈ അധ്യയന വർഷത്തെ ഇന്റർ കോളേജിയേറ്റ് പുരുഷ, വനിത ജൂഡോ മത്സരങ്ങൾ നവംബർ 9 ത് ചൊവാഴ്ച കാഞ്ഞിരപ്പള്ളി സെന്റ് ഡൊമിനിക്സ് കോളേജ് ഓഡിറ്റോറിയത്തിൽ നടക്കും.
വിവിധ വിഭാഗകളിലായി 40 ഓളം കോളേജുകളിൽ നിന്നായി കായിക താരങ്ങൾ മത്സരത്തിൽ പങ്കെടുക്കും. ആദ്യമായാണ് സെന്റ് ഡൊമിനിക്സ് കോളേജ് സർവകലാശാല ജൂഡോ ചാമ്പ്യൻഷിപ്പിന് വേദിയാകുന്നത്. ജാപ്പനീസ് ആയോധനകലയിൽ നിന്നും ഉരുവായ ഈ കായികമത്സരത്തിനു പുരുഷ-വനിതാ വിഭാഗങ്ങളിൽ 7 കാറ്റഗറി വീതം മത്സരങ്ങളാണ് നടക്കുന്നത്. അന്തർ സർവ്വകലാശാല മത്സരത്തിനുള്ള പുരുഷ വനിതാ സർവ്വകലാശാല ടീമിനെ ഈ മത്സരത്തിൽ നിന്ന് തിരഞ്ഞെടുക്കും. കോവിഡ് മാനദണ്ഡങ്ങൾ പാലിച്ചായിരിക്കും മത്സരങ്ങൾ നടക്കുക .മത്സരാത്ഥികൾക്ക് ആർ.ടി പി. സി. ആർ സർട്ടിഫിക്കറ്റ് അല്ലെങ്കിൽ രണ്ട് ഡോസ് വാക്‌സിൻ നിർബന്ധമാണ്.