പ്രശസ്ത കവി വിനയബോസ് രചിച്ച ‘സംഗീതിക’ പ്രകാശിതമായി
പൊൻകുന്നം : പ്രശസ്ത കവി വിനയബോസ് രചിച്ച ‘സംഗീതിക’ പ്രകാശിതമായി. ലളിത ഗാനങ്ങളും ഭക്തിഗാനങ്ങളും നാടക ഗാനങ്ങളും സംഘഗാനങ്ങളുമായി 101 രചനകളാണ് ഈ പുസ്തകത്തിൽ ഉൾപ്പെടുത്തിയിരിക്കുന്നത്. ചിറക്കടവ് ഗ്രാമദീപം വായനശാലയിൽ നടന്ന പ്രകാശന ചടങ്ങിൽ ലൈബ്രറി പ്രസിഡന്റ് കെ.എസ്.രാജൻപിള്ള അദ്ധ്യക്ഷനായി. സംഗീതജ്ഞൻ കെ പി എ സി രവി, കവി
പി മധുവിന് നൽകി പ്രകാശനം നിർവ്വഹിച്ചു.
ലൈബ്രറി സെക്രട്ടറി പി എൻ സോജൻ സ്വാഗതവും വൈ. പ്രസിഡന്റും ബ്ലോക്ക് പഞ്ചായത്ത് അംഗവുമായ മിനി സേതുനാഥ് കൃതജ്ഞതയും പറഞ്ഞു. കലാമണ്ഡലം അനു ശ്രീഹരി, സി.കെ.ജയശ്രീ, ജി ജയലക്ഷ്മി എന്നിവർ വിനയബോസ് എഴുതിയ ഗാനങ്ങളും കവിതകളും ആലപിച്ചു. വിനയബോസ് മറുപടി പ്രസംഗം നടത്തി