November 13, 2019

കുരുന്നുകളുടെ ഫാൻസിഡ്രസ്സ്‌ മത്സരം കണ്ണുകൾക്കിമ്പമായി, മാതാപിതാക്കൾക്ക് ഉത്സവമായി.. കാഞ്ഞിരപ്പള്ളി AKJM സ്കൂളിൽ നടന്ന കൊച്ചുകുട്ടികളുടെ ഫാൻസിഡ്രസ്സ്‌ മത്സരത്തിൽ നിന്നും ചില സുന്ദരനിമിഷങ്ങൾ ..പുഞ്ചിരിയോടെ മാത്രം കാണുവാൻ ഇതാ കുറെ അതിമനോഹര ദൃശ്യങ്ങൾ.. 

കാഞ്ഞിരപ്പള്ളി : AKJM സ്കൂളിൽ നടന്ന കൊച്ചുകുട്ടികളുടെ ഫാൻസിഡ്രസ്സ്‌ മത്സരം കാണികളുടെ കണ്ണുകൾക്കിമ്പമായി. രണ്ടര വയസ്സുമുതൽ അഞ്ചുവയസ്സുവരെയുള്ള കൊച്ചുകുട്ടികളാണ് ഫാൻസിഡ്രസ്സ്‌ മത്സരത്തിൽ ഉത്സാഹത്തോടെ പങ്കെടുത്തത്. മാതാപിതാക്കൾ വളരെ കാര്യമായി തന്നെ തങ്ങളുടെ പൊന്നോമനകളെ മത്സരത്തിന് അണിയിച്ചൊരുക്കിയിരുന്നു. 220 കുട്ടികൾ പഠിക്കുന്ന കിന്റർഗാർഡൻ വിഭാഗത്തിൽ നിന്നും 180 കുട്ടികൾ മത്സരത്തിൽ പങ്കെടുത്തു എന്നത് പഠനത്തോടൊപ്പം വിദ്യാർത്ഥികളുടെ കലാകായിക പ്രവർത്തനങ്ങളിലും സ്കൂൾ അധികൃതർ അകമഴിഞ്ഞ് പ്രോത്സാഹനം നല്കുന്നുവെന്നതിന്റെ തെളിവാണ് .. ദൈവത്തിന്റെ വരദാനമായ കൊച്ചുകുഞ്ഞുങ്ങൾ, വേഷപ്പകർച്ചയിലൂടെ കാക്കാത്തിയും, ചെത്തുകാരനും, ആദിവാസിയും, നാടോടിയും, അമൂമ്മയും, കൃഷിക്കാരനും, ജിപ്സിയും, ലുട്ടാപ്പിയും, പട്ടാളക്കാരനും, നരേന്ദ്ര മോദിയും, ശിവനും, അൽഫോൻസാമ്മയും, മാർപാപ്പയും, എന്നുവേണ്ട റോക്കറ്റുവരെയായി സ്റ്റേജിലെത്തിയപ്പോൾ കാണികൾ നിറഞ്ഞ കരഘോഷത്തോടെയാണ് വരവേറ്റത് .. പുഞ്ചിരിയോടെ മാത്രം കാണുവാൻ ഇതാ കുറെ അതിമനോഹര ദൃശ്യങ്ങൾ.. 

കാഞ്ഞിരപ്പള്ളി AKJM സ്കൂളിൽ നടന്ന കൊച്ചുകുട്ടികളുടെ ഫാൻസിഡ്രസ്സ്‌ മത്സരത്തിൽ നിന്നും ചില സുന്ദരനിമിഷങ്ങൾ ..