സഹകരണ ബാങ്കിങ് രംഗത്തെ അതികായകൻ കെ.ജോർജ് വർഗീസ് പൊട്ടകുളത്തെ ആദരിച്ചു

കാഞ്ഞിരപ്പള്ളി: നവതിയാഘോഷിക്കുന്ന കാഞ്ഞിരപ്പള്ളി സർവീസ് സഹകരണ ബാങ്ക് പ്രസിഡന്റ് കെ.ജോർജ് വർഗീസ് പൊട്ടകുളത്തെ ബാങ്ക് ഭരണസമിതിയംഗങ്ങൾ ആദരിച്ചു.

1962 മുതൽ 96വരെ ഗ്രാമപ്പഞ്ചായത്തംഗമായും 1984 മുതൽ 96 വരെ പഞ്ചായത്ത് പ്രസിഡന്റായും പ്രവർത്തിച്ചു. 1971 മുതൽ സഹകരണബാങ്കിന്റെ ഭരണസമിതിയംഗവുമായി. 1977-ൽ നടന്ന തിരഞ്ഞെടുപ്പിൽ 45-ാം വയസ്സിൽ ബാങ്കിന്റെ പ്രസിഡന്റായി തിരഞ്ഞടുക്കപ്പെട്ടു. 1988 വരെ 11 വർഷം പ്രസിഡന്റായി. 1996 മുതൽ ബാങ്കിന്റെ പ്രസിഡന്റായി തുടരുകയാണ്.

ചടങ്ങിൽ ജില്ലാപഞ്ചായത്തംഗം ജെസി ഷാജൻ, ബ്ലോക്ക് പഞ്ചായത്തംഗങ്ങളായ ജോളി മടുക്കക്കുഴി, ടി.ജെ.മോഹനൻ, ഭരണസമിതിയംഗങ്ങളായ ഫിലിപ്പ് നിക്കോളാസ് പള്ളിവാതുക്കൽ , റാണി മാത്യു വാണിയപ്പുരയ്ക്കൽ തുടങ്ങിയവർ പങ്കെടുത്തു.