ഇടകടത്തി ക്ഷേത്രത്തിൽ ഉത്സവം കൊടിയേറി 

മുക്കൂട്ടുതറ: ഇടകടത്തി ധർമശാസ്താ ക്ഷേത്രത്തിൽ ഉത്സവത്തിന് പാലാ മോഹനൻ തന്ത്രിയുടെ കാർമികത്വത്തിൽ കൊടിയേറി. മേൽശാന്തി ശ്രീശാന്ത് പാലയ്ക്കൽ സഹകാർമികത്വം വഹിച്ചു. 

ചൊവ്വാഴ്ച ഒൻപതിന് പന്തീരടിപൂജ, 9.30-ന് സർപ്പ പൂജ, 10.30-ന് കലശാഭിഷേകം, വൈകീട്ട് 5.30-ന് ചന്ദനച്ചാർത്തോടെ ദീപാരാധന എന്നിവ നടക്കും. വ്യാഴാഴ്ച 10-ന് നെയ്യഭിഷേകം. രാത്രി 11-ന് പള്ളിവേട്ട പുറപ്പാട്. 12-നാണ് പള്ളിവേട്ട. വെള്ളിയാഴ്ച രാവിലെ 5.50-ന് മണ്ഡപത്തിൽ കണികാണിക്കൽ. ഒൻപതിന് കലശാഭിഷേകം. 10.30-ന് നാരങ്ങാവിളക്ക്. വൈകീട്ട് 4.45-ന് ആറാട്ട് പുറപ്പാട്. 5.45-ന് ആറാട്ട്. 7.15-ന് കൊടിയിറക്ക്.