സിപിഐഎം ജില്ലാ സെക്രട്ടറിയേറ്റ് അംഗം അഡ്വ: റെജി സഖറിയക്ക് വാഹനാപകടത്തിൽ പരിക്ക്
കാഞ്ഞിരപ്പള്ളി : സിപിഐഎം ജില്ലാ സെക്രട്ടറിയേറ്റ് അംഗവും സിഐടിയു ജില്ലാ പ്രസിഡണ്ടുമായ അഡ്വ: റെജി സഖറിയക്ക് വാഹനാപകടത്തിൽ പരിക്ക്. ഇദേഹത്തിന്റെ കൈ ഒടിഞ്ഞു. കോട്ടയത്തെ സ്വകാര്യ ആശുപത്രിയിൽ പ്രവേശിപ്പിച്ചു.
റെജി സഖറിയാ നെടുംകണ്ടത്തേക്ക് പോകും വഴി ഇദ്ദേഹം സഞ്ചരിച്ചിരുന്ന കാറിൽ ദേശീയ പാത 183 ൽ പാറത്തോട് പഞ്ചായത്ത് ഓഫീസിനു സമീപം വെച്ച് നിയന്ത്രണം വിട്ടു വന്ന ഓട്ടോ ഇടിക്കുകയായിരുന്നു. കാർ ഡ്രൈവർ പാമ്പാടി അറയ്ക്കപറമ്പിൽ ആർ ജയചന്ദ്രൻ , ഓട്ടോ ഡ്രൈവർ ചിറ്റടി കമലാഭവനിൽ ഷിബു കുമാർ (42), ഒട്ടോയിലെ യാത്രക്കാരായ മുണ്ടക്കയം 31-ാം മൈലിൽ പുതുപറമ്പിൽ പി ആർ ഷാജി (54), ഭാര്യ പ്രിയ (48) എന്നിവർക്കും പരിക്കേറ്റു. ഇവരെയും ആശുപത്രിയിൽ പ്രവേശിപ്പിച്ചു.