പ്രായപൂർത്തിയാകാത്ത പെൺകുട്ടിയെ പീഡിപ്പിച്ച യുവാവ് അറസ്റ്റിൽ
വിഗ്‌നേഷ്
മുണ്ടക്കയം: പ്രായപൂർത്തിയാകാത്ത പെൺകുട്ടിയെ പീഡിപ്പിച്ചെന്ന പരാതിയിൽ കൊല്ലം ശാസ്താംകോട്ട പെരുവേലിക്കര സ്വദേശിയായ കുറ്റിപ്പുറത്ത് വിഗ്‌നേഷി(24)-നെ പോലീസ് അറസ്റ്റുചെയ്തു. പ്ലസ് ടു വിദ്യാർഥിനിയുമായി സമൂഹമാധ്യമത്തിലൂടെ അടുപ്പത്തിലായിരുന്നു യുവാവ്. വല്യമ്മയ്ക്കൊപ്പം താമസിക്കുന്ന പെൺകുട്ടിയെ വീട്ടിലെത്തി ഒരുവർഷമായി യുവാവ് പീഡിപ്പിച്ചു. പിന്നീട് ശാരീരിക ഉപദ്രവം നടത്തിയതോടെ പെൺകുട്ടി പോലീസിൽ പരാതി നൽകുകയായിരുന്നു. പ്രതിയെ കോടതിയിൽ ഹാജരാക്കി റിമാൻഡുചെയ്തു.