എരുമേലിയിൽ വാഹനാപകടം : ഇന്നോവയും ബൈക്കും കൂട്ടിയിടിച്ച് ഒരു മരണം, ഒരാൾ ഗുരുതരാവസ്ഥയിൽ
എരുമേലിയിൽ ബുധനാഴ്ച രാത്രിയിൽ ഉണ്ടായ വാഹനാപകടത്തിൽ ഒരാൾ മരിച്ചു, ഒരാളെ അതീവ ഗുരുതവസ്ഥയിൽ കോട്ടയം മെഡിക്കൽ കോളേജ് ആശുപത്രിയിൽ പ്രവേശിപ്പിച്ചു . എരുമേലി ഫോറസ്ററ് ഓഫീസിന് സമീപം, രാത്രി ഒമ്പതുമണിയോടെ ഇന്നോവ ക്രിസ്റ്റയും ബൈക്കും തമ്മിൽ കൂട്ടിയിടിക്കുകയായിരുന്നു. ഇടിയുടെ ആഘാതത്തിൽ ബൈക്ക് പൂർണമായും തകർന്നുപോയി . അപകടത്തിൽ ഒരാൾ സംഭവ സ്ഥത്തുവച്ചു തന്നെ മരണപെട്ടു.
പൊന്തൻപുഴ വളകൊടി ചതുപ്പ് സ്വദേശി പാക്കാനം വീട്ടിൽ ശ്യാം സന്തോഷ്‌ (29) ആണ് മരിച്ചത്. ഒപ്പമുണ്ടായിരുന്ന സുഹൃത്ത് രാഹുൽ സുരേന്ദ്രനെ ഗുരുതരമായി പരിക്കേറ്റ നിലയിൽ കോട്ടയം മെഡിക്കൽ കോളേജ് ആശുപത്രിയിൽ എത്തിച്ചെങ്കിലും അപകടനില തരണം ചെയ്തിട്ടില്ല.
ഇന്നലെ രാത്രി 8:45 ഓടെ എരുമേലി ഫോറസ്റ്റ് റേഞ്ച് ഓഫിസിന് സമീപം പെട്രോൾ ബങ്കിന് അടുത്ത് വെച്ചാണ് അപകടം. ശ്യാം സന്തോഷ്‌ അപകടസ്ഥലത്ത് വെച്ചാണ് മരണപ്പെട്ടത്. ആംബുലൻസിൽ മൃതദേഹം കാഞ്ഞിരപ്പള്ളി ജനറൽ ആശുപത്രിയിൽ എത്തിച്ചു. തിരുവല്ല സ്വദേശിയുടെതാണ് അപകടത്തിൽ പെട്ട കാർ. വാഹനങ്ങൾ കൂട്ടിയിടിച്ച് ബൈക്ക് യാത്രികർ തെറിച്ചുപോയെന്ന് നാട്ടുകാർ പറഞ്ഞു. എരുമേലി പോലിസ് സ്ഥലത്തെത്തിയിരുന്നു.
