കണമല ഇറക്കത്തിൽ വാഹനാപകടം : അഞ്ച് അയ്യപ്പഭക്തർക്ക് പരിക്ക്…
കണമല : പതിവായി അപകടം നടക്കാറുള്ള കണമല ഇറക്കത്തിൽ മിനി ബസ് നിയന്ത്രണം വിട്ട് റോഡ് തിട്ടയിൽ ഇടിച്ച് ഉണ്ടായ അപകടത്തിൽ അഞ്ച് അയ്യപ്പ ഭക്തർക്ക് പരിക്ക് പറ്റി.
ഇന്ന് രാവിലെ ആറ് മണിയോടെയാണ് സംഭവം. ശബരിമല ദർശനത്തിനായി പോയ തിരുപ്പൂർ സ്വദേശികളായ 19 അംഗ സംഘമാണ് ബസിലുണ്ടായിരുന്നത്. ഇവരിൽ അഞ്ച് പേർക്കാണ് പരിക്ക്… ആരുടേയും നില ഗുരുതരമല്ല…
ഓട്ടത്തിനിടയിൽ ഡ്രൈവർ മയങ്ങിയതാകാം അപകട കാരണമെന്ന് സംശയിക്കുന്നു… കണമല ഇറക്കത്തിൽ ഒട്ടേറെ അപകടങ്ങളും മരണങ്ങളും സംഭവിച്ച വളവിലാണ് ഇന്ന് അപകടമുണ്ടായത്.